Áigeguovdil

SámiSoster ordne joavkodoaibma ahkeolbmuide Gáregasnjárggas ja Ohcejoga girkosiiddas

SámiSoster rs ordne ahkeolbmuide vuollegaš šielmmá joavkodoaibma sihke Gáregasnjárggas ja Ohcejoga girkosiiddas.

Gáregasnjárggas joavku čoahkkana juohke vahkku duorastagaid diibmu 12-15. Čoahkkananbáiki lea Gáregasnjárgga gilidállu Sáivu. Joavku lágideaddjin lea Marketta Vuolab.

Ohcejoga girkosiiddas Deaivvadeapmi-joavku čoahkkana Aspa-ruovttu Goahti orrunlanjas juohke vahku duorastagaid diibmu 13-15. Girkosiidda doaibma lágida Maarit K. Länsman.

Ahkeolbmuid joavkodoaibma Ohcejogas lea oassin SámiSostera Muittohallat-doaibma.

Lassedieđut joavkkuid lágideddjiin:

Marketta Vuolab (Gáregasnjárgga joavku), tel. 040 139 1616

Maarit K. Länsman (girkosiidda joavku), tel. 0400 670 633


SámiSoster rs ohcá guokte ollesáigge bargi

SámiSoster rs:s lea Eanodagas ja Anáris Birgen Ruovttus -doaibma, man oktan doaibman lea vuollegaš šielmmá deaivvadanbáiki Luovatupa Heahtás ja Doiabmaviessu Anáris.

Mii ohcat dál guktot bargosájiidde bargi.

Ollesáigge bargud alget čakčamánu álggus. Ohcciguin lea vuogas leat sosiála- ja dearvvasvuođasuorggi dahje sullasaš skuvlejupmi sihke suorggi bargovásáhus. Mii gáibidat sámekultuvrra dovdámuša sihke sámegiela dáiddu. Mii adnit árvvus buriid ovttasbargo- ja gulahallandáidduid, čehppodaga deaivvadit olbmuiguin sihke gearggusvuođa bargat iehčanasat.

Goabbáge bargu álgá čakčamánu álggus ja barggus čađahuvvo njealjji mánotbaji geahččalanáigi. Bálká mearriduvvo sosiálasuorggi servviid bargoeaktosoahpamuša mielde. Lassidieđuid barggu birra addá sadjásaš doaimmajođiheaddji Ristenrauna Magga. 0400-314 154, ristenrauna.magga@samisoster.fi 

Ohcamušaid oktan mildosiiguin galgá sáddet ovdal 23.8.2018 d.16: email: ristenrauna.magga@samioster.fi dehege boasta bakte : SámiSoster rs, PL 71, 99870 Anár.
Anáris 6.8.2018


SámiSoster almmustahttá vihtta sámegiel vávvágirjji

SámiSoster almmustahttá vihtta girjji sámegillii digitála hámis. Girjjit leat dárkkuhuvvon lohkat ovttas vávváin sihke unna mánáin. Juohke girjjis lea sierra temá ja diehtu árra mánnávuođa fáttáin. Girjjit gávdnot Čoahkis-materiálabáŋkkus.

Sallanfearán, Hoahkanleaika, Huradanboddu, Hiluid Háluid sihke Dánsut leat suohtas -girjjit sisttisdoallat ivdnái govat, mat doarjut rávesolbmo ja mánná vuorrováikkuhusa. Girjjit leat dahkon veahkkin vávvábearrašiid buresbirgejumi ovddideapmái. Dahkkin lea máŋggaámmátlaš joavku, ja girjjiin lea ovttastahtton dieđa ja dáidda sihke dutkamuša. Omd. govaid hámit, ivnnit ja rytmat vuođđudit vávváid oainnu spesialista, medisiinna diehtagiid doavttir Lea Hyvärinen máhttui.

Govaid lea sárgon govvadáiddar, AD Osmo Penna. Girjjiid plánemis vástida mánáidpsykiatra Raisa Cacciatore ja girjjiid sámegiel jorgalusat sihke sámegiel hoahkamiid ja divttaid leat čohkken Inger-Mari Aikio. SámiSostera Čoahkis-prošeakta lea koordineren sámegiel veršuvnnaid almmustahttima, ja buot vihtta girjji leat luđemis ja buohkain friija geavahusas materiálabáŋkkus, čujuhusas www.coahkis.com.

-Buot vihtta girjji leat materiálabáŋkkus friija geavahusas, daid sáhttá neahtas fitnat lohkamen, muhto maiddái printet, Čoahkis-prošeaktabargi Ida Pirttijärvi muitala. – Materiálabáŋkkus sáhttá printet olles girjji dahje dušše ovtta siiddu.

Girjjit leat ávkin bearrašiidda ja maiddái árrabájašgeassimis, beaiveruovttuin ja giellabesiin. Ovtta girjjiin lea ovdal leamaš etniidpáhkas, ja dan lea ožžon, jos eatni eatnigiellan lea merkejuvvon sámegiella. Dál sámegiel veršuvnnat leat buohkain oažžumis. Sámekultuvrra lea maiddái váldon vuhtii girjjiin.

– Earenoamážit Hoahkanleaika-girjjis jorgaleaddji Inger-Mari Aikio ii dušše jorgalan suomagiel divttaid sámegillii, muhto baicca son čohkkii girjii árbevirolaš sámi hoahkamiid ja divttaid, Pirttijärvi muitala. – Dan lassin moadde govat govvadáiddar sárgui ođđasit, vai heivešit buorebut sámegiel tekstii. Sávvamis boahttevuođas daid girjjiid ožžošii maiddái anáraš- ja nuortalašgillii.

Girjjit gávdnot čujuhusas: http://coahkis.com/?page_id=202&lang=sme


SÁMISOSTER BEAVTTÁLMAHTTÁ DOAIMMAIDIS SÁMEGUOVLLU OLGGOBEALDE

Sámiid riikkaviidosaš sosiála-, dearvvasvuođa- ja kultursuorggi searvi SámiSoster ro beavttálmahttá doaimmaidis sámeguovllu olggobealde. Figgamuššan lea vástidit dálá dili buorebut sámeguovllu olggobealde ássi sápmelaččaid gielalaš ja kultuvrralaš sihke sosialalaš buresbirgejumi ja dearvvasvuođa ovddideapmai gullevaš dárbbuide. Searvi lea ožžon dán doaimma várás lassiruhtadeami sosiála- ja dearvvasvuođaservviid doarjjaguovddážis (STEA).

Doaimma ollašuhttima várás searvi lea vuođđudan ollesáigásaš sierraáššedovdi barggu. Dán bargui searvi lea nammadan hálddahusdiehtagiid magisttar Juha Guttorma 1.2.2018 rájes.  Sierraáššedovdi bargun lea doaimma álgomuttus čilget čuozáhatjoavkku dárbbuid ja gárvet dan vuođul doaibmaplána. Dárbbuid čielggadeamis geavahuvvojit ávkin áššái guoski jo dahkkon čielggadusat ja dutkamušat. Go doaibma lea ovdánan fásta vuođu ala, sierraáššedovdi bargun lea ovddidit plána ollašuhttima, oktiiheivehit dasa čállon doaimmaid, dikšut doaimma diehtojuohkima, dieđu buvttadeami ja čanusjoavkodoaimma sihke hukset doaibmi- ja doarjjafierpmádagaid.  Dasa lassin su bargun lea čuovvut doaimma ollašuvvama ja ovdáneami sihke raporteret das.  Fásta doaimma iskkadeami lea áigumuš álggahit Oulu guovllus.

Váldodeaddu searvvi doaimmain sámeguovllu olggobealde boahtá leat eanáš sápmelaččaid kultuvrralaš identiteahta, oktiigullevašvuođa dovddu, oasálašvuođa ja searvvušlašvuođa doarjumis. Lassin figgamuššan lea doarjut sápmelaččaid vejolašvuođaid oassálastit buorebut go ovdal iežas servodaga ja iešráđđema dikšumii ja ovddideapmai. Doaibma presiserejuvvo dárbbuid čielggadeami maŋŋá. Dán láhkai ovddidit sápmelaččaid gaskasaš ovttaveardásašvuođa sihke doarjut servoša čavddisvuođa ja eallinvuoimmi ja dien bokte dan buresbirgejumi ja dearvvasvuođa.  SámiSoster searvi sávvá oktasašbargoguoipmin ainjuo sámeguovllu olggobealde doaibmi sámeservviid ja eará servviid sihke searvegottiid, gielddaid ja eará almmolaš servošiid, vai doaibma menestuvašii bures.

Lassidieđuid áššis addiba searvvi doaibmajođiheaddji Ristenrauna Magga, tel. 0400-314 154 ja sierraáššedovdi Juha Guttorm, tel. 040-7400 342.


SámiSoster rs ohca bargiid

SámiSoster rs ohca Vuohcui ja Anárii Birgen Ruovttus doibmii gullevaš ahkeolbmuid deaivvadanbáikái ja Ohcejohkkii Muitohallat- doibmii

doaimmabagadalliid (ovtta iešguđet gillái)

Birgen ruovttus doaimma deaivvadanbáikis lágiduvvo ahkeolbmuide joavkodoaimmaid ja dáhpáhusaid, mat ovddidit sosiálalaš gulahallama ja buresveaddjima. Bargoáigi Vuohcus ja Anáris lea goabbasge 80 % ollesáigge bargoáiggis. Bargu álgá Anáris jođáneamos lági mielde ja Vuohcus njukčamánu álggus.  

Muittohallat doiammas ulbmilin lea doarjut ja ovttidit sápmelaš boaresolbmuid ja earenomašit muitobuohcciid oppalaš doaibmanávccaid. Doaibmavuohkin leat joavkodoaimmat, ruovttusfitnan bargu, muitodieđu bargobájit . Bargoáigi lea 100 % ja bargu álgá jođáneamos lági mielde.

Buot dáin bargosajin barggu ceavzilis dikšuma veahkeha sosiála- ja dearvvasvuođasuorggi skuvlejupmi dahje eará vástideaddji skuvlejupmi sihke suorggi bargovásáhus. Gáibidit buori sámekultuvrra dovdamuša ja sámegiela máhtu. Atnit árvvus oktasašbargo- ja gulahallandáidduid sihke soddjilvuođa ja návccaid bargat iehčanassii. Bálká mearrašuvvá sosiálasuorggi servviid bargoeaktosoahpamuša vuođul. Barggus lea 4 mánu geahččalanáigi. Bálká mearriduvvo sosiálasuorggi servviid bargoeaktosoahpamuša mielde. Lassidieđuid barggus addá doaimmajođiheaddji Ristenrauna Magga, 0400-314 154, ristenrauna.magga(at)samisoster.fi 

Ohcamušaid oktan mildosiiguin galgá sáddet ovdal 26.1.2018 d.16: SámiSoster rs, PL 71, 99870 Anár dahje šleađgapoassttain ristenrauna.magga(at)samisoster.fi

Anáris 15.1.2018


Dál gávnnat neahtas ovtta sajis sámegielat buresveadjin- ja dearvvasvuođarávvagiid

Sámegielat buresveadjin- ja dearvvasvuođarávvema várás oaivvilduvvon rávvagat gávdnojit dál almmustuvvan Čoahkis-materiálabáŋkkus, čujuhusas www.coahkis.com. SámiSoster rs ja Sámedikki oktasaš prošeavttas čoggojuvvon materiála lea dál álkket buohkaid gávdnamis.

Čoahkis-prošeakta lea dán jagi áigge ohcan ja čohkken oktii sámegielat materiála sosiála- ja dearvvasvuođasuorggis. Materiála leat čoaggán buot suomas hállojuvvon golmma sámegillii.

-Mii leat gulahallan sierra organisašuvnnain, virgeolbmuin ja sosiála- ja dearvvasvuođasuorggi servviiguin, muitala Čoahkis-prošeavtta bargi Ida Pirttijärvi. – Diená mii čokkiimet gárvvis materiálaid ja oaččuimet maiddái áigái dan, ahte ođđa materiálaid leat álgán buvttadit sámegillii.

Dál materiálat leat čohkkejuvvon ovtta neahttasiidui, gos buohkat gávdnet daid álkket. Neahttasiiddus leat sullii 40 sierra dieđihančállosa ja rávvengihppaga. Stuorámus oassi dain lea davvisámegillii, nuortalaš- ja anárašgillii leat dušše moadde rávvengihppaga.

-Prošeavtta álgomuttus mis ledje dieđus eanetge sámegielat materiálat, muhto go dárkkisteimmet daid, gávnnaheimmet, ahte muhtumin ledje boarásmuvvan dieđut, daid mii eat bidjan materiálabáŋkui, muitala Ida Pirttijärvi.

-Mii leat ráđđádallamin muhtumiiguin, ahte boarásmuvvan rávagihppagiid ođasmahttet ja jorgalit sámegillii.

Materiálabáŋkui lea ulbmilin lasihit sámegielat materiálaid dađi mielde go ođđa dieđihančállosat almmustuvvet. Maŋŋá siidduide lea dárkkuhus maid lasihit sosiála- ja dearvvasvuođasuorggi bargiide sierra oasi.

-Dáshan dat bargu easkka álgá, dadjá Pirttijärvi. – Dál mis lea vuođđu man ala lea álki hukset lasi. Go visot sámegielat materiálat leat čohkkejuvvon ovtta sadjái, mis lea álki čujuhit man unnán sámegielat materiála gávdno. Mis lea dieđus, ahte sámegielat materiálat leat boađi boađi ja dat lasihuvvojit materiálabáŋkui dalán go daid ožžon gárvvisin.

Čoahkis – Koossa -prošeavtta materiálabáŋku doaibmá čujuhusas www.coahkis.com. Dat lea buohkaide rabas. Jus dieđát, ahte doppe váilu juoga, de váldde oktavuođa.

Lassidieđut: Ida Pirttijärvi, Čoahkis – Koossa -bargi, ida.pirttijarvi@samisoster.fi, tel. +358 40 1765012

 


SámiSoster rs álggaha Doaibmaviesu Vuohčus

SámiSoster beassá álggahit boahtte jagi ahkeolbmuide oaivvilduvvon doaimma Vuohčus. Sosiála- ja dearvvasvuođaservviid ruhtadangáldu (STEA) lea otne evttohan, ahte SámiSosterii juolluduvvošii ruhta Vuohčču doaimma várás. Loahpalaš mearrádusa ruhtajuolludeamiin dahkká sosiála- ja dearvvasvuođaministeria.

Vuohču doaibma čuovvu Anára doaibmaviesu málle. Anáris ahkeolbmuide oaivvilduvvon doaibmaviessu lea dál rabas oktii váhkus, fállun lea álot mális ja juoga oktasaš doaibma.

SámiSostera doaimmajođiheaddji Ristenrauna Magga lea movtta go Vuohču doaibma beassá johtui.

-Mii leat nu máŋga jagi dieinna bargan, dál ozaimet jo goalmmát geardde ruhtadeami Vuohču doaimma várás. Ristenrauna Magga muitala, ahte SámiSoster searvi álgá dakkaviđe plánet doaimma ja dieđiha dárkilabbot plánain maŋŋelaš.

Vuohču doaibmaviesu ollášuhttet ovttas SámiSosterin Soađegili gielda ja Kemijoki oy.

 

 


Bearašluopmu sápmelaš mánnábearrašiide

Maaseudun Terveys- ja Lomahuolto ry ja SámiSoster rs ordneba ovttas bearašluomu čuoiganguovddáš Ukkohallas, Hyrynsalmis 4.-9.3.2018. Bearašluopmu lea oaivvilduvvon bearrašiide, mas guktot dahje nubbi vánhen lea sápmelaš.

Luopmu sisttisdoallá dievas bajásdoallama, idjademiid, luopmobáikki vuojadan- ja álšasále geavaheami ja joavkku várás plánejuvvon prográmma. Luomus lea mielde okta sámegielat bargi, muđui prográmma ja bagadallan lea suomagillii. Luomu dárkilut prográmma gárvvásmuvvá maŋŋelaš.

Luomus olles olmmoš ferte máksit 20 euro jándoris. 0-16 jahkásaš mánát besset lupmui nuvttá.

Bearašluomu galgá ohcat sierra luopmodoarjjaohcamušain. Ohcamuša galgá deavdit fuolalaččat ja ákkastallat bures manin ohccá luomu. Luopmodoarjaga juolludit dávjá buorre ákkastallamiid vuođul. Maaseudun terveys- ja lomahuolto ry mearrida geat besset lupmui ja álmmuha njuolga ohcciide sullii guokte mánu ovdal luomu.

Luomu ohcanskovit ja rávvagat gávdnojit Maaseudun Terveys- ja Lomahuolto ry neahttasiidduin. Skoviid oažžu maiddái SámiSostera Anára ja Heahtá doaimmahagain.

Lassidieđuid luomus addá

Anne Näkkäläjärvi, anne.nakkalajarvi@samisoster.fi, +358403504007 ja

Inger-Anne Äärelä; inger-anne.aarela@samisoster.fi +358 40 760 9338.

Ohcanáigi nohká 4.12.2017.

Ohcamušaid galgá sáddet addressii:

Maaseudun Terveys- ja Lomahuolto ry

Mannerheimintie 31 B 20

00250 HELSINKI


SámiSoster ry ohcá Muittohallat doaimmabagadalli Ohcejohkii

SámiSoster rs ohcá Muittohallat – sápmelaš muitobuohcci ja lagašbirrasa árgabeaivválaš doarjja -prošektii

doaimmabagadalli

Su bargun lea ollašuhttit prošeavtta, man olis son fitná ruovttuin, lágida ahkeolbmuid joavkodoaimmaid ja muitobargobájiid. Prošeakta čađahuvvo Ohcejogas.

Ohcat ovdasajis olbmo, geas lea sosiála- dahje dearvvasvuođasuorggi skuvlejupmi ja eatnigiela dási davvisámegiela dáidu. Earáge heivvolaš skuvlejumi sáhttit valdit vuhtii. Atnit árvvus hárjánumi boarrásiid barggus, čehppodaga áššehasaid vuhtiiváldimis sihke ovttasbargonávccaid, njuovžilvuođa ja hutkáivuođa. Barggus lea 4 mánu geahččalanáigi. Bargu álgá nu jođánit go vejolaš. Bálká mearriduvvo sosiálasuorggi servviid bargoeaktosoahpamuša mielde. Lassidieđuid barggus addá doaimmajođiheaddji Ristenrauna Magga, +358 400 314 154, ristenrauna.magga(at)samisoster.fi 

Sáddes ohcamuša oktan ánsologahallamiiguin 27.11.2017 rádjai čujuhussii: SámiSoster rs, PL 71, 99871 Anár. Merke konfaluhtii “Muittohallat”.

 Anáris 9.11.2017

 


 

SámiSoster ry ohcá Luovatupa bargi Heahttái

SámiSoster rs:s lea Eanodagas Birgen Ruovttus -prošeakta, man oktan doaibman lea Heahtás vuollegaš šielmmá deaivvadanbáiki Luovatupa.

Mii ohcat dál LUOVATUPA BARGI

Ollesáigge bargu algá jagi 2018 álggus. Ohccis lea vuogas leat sosiála- ja dearvvasvuođasuorggi dahje sullasaš skuvlejupmi sihke suorggi bargovásáhus. Mii gáibidat sámekultuvrra dovdámuša sihke sámegiela dáiddu. Mii adnit árvvus buriid ovttasbargo- ja gulahallandáidduid, čehppodaga deaivvadit olbmuiguin sihke gearggusvuođa bargat iehčanasat.

Barggus čađahuvvo njealjji mánotbaji geahččalanáigi. Bálká mearriduvvo sosiálasuorggi servviid bargoeaktosoahpamuša mielde. Lassidieđuid barggu birra addá sadjásaš doaimmajođiheaddji Ristenrauna Magga, tel +358400-314 154, ristenrauna.magga@samisoster.fi

Ohcamušaid oktan mildosiiguin galgá sáddet ovdal 27.11.2017 d.16: SámiSoster rs, PL 71, 99870 Anár. Merke konfaluhtii “Luovatupa bargi”.

Anáris 9.11.2017 

 


 

SámiSoster rs 20 jagi

Jagit vásset ja SámiSoster searvi lea dál doaibman jo 20 jagi. Dan áiggis sámiid buresbirgejumi ja oasálašvuođa ovddideamis lea dáhpáhuvvan olu. Searvvi doaibma lea rievdan ovtta olbmo bargosajis viiddis ja ealjjáris doaibmin.

Álggaheimmet doaimmamet sápmelaš lámis ja boarrásiid áššeolmmoš-doaimmain. Dat lei Suomas vuosttas bálvalus mii fálai sámegielat rávvema sosiála- ja dearvvasvuođasuorggi bálvalusaid ja sosiáladorvvu birra. Gávnnahuvvui, ahte dat lei hui ávkkálaš doaibma ja nu dat joatkašuvvá ainge sierra prošeavttaid oktavuođas.

Dieid jagiin prošeavttaid mearri lea lassánan ja prošeavttat leamašan logiid mielde. Dál mis leat 13 bargi ja mii doaibmat buot sámiguovllu gielddain. Mii bargat earret eará boarrásiid argabeaivvi veahkkin, gárrenávnnas barggus, ovddidat boazosámiid buresveadjima, čohkket sámegielat sosiálasuorggi materiálaid ovtta sadjái, iige heive vajálduhttit sápmelaš muitobuohcciid ovdii dahkkon barggu, dan barggu ovddas leatge ožžon máŋga sierra bálkkášumi.

Ávvujagi gudnin mii ordnet Sámi oahpahusguovddáža Lássegoađis 30.11.2017 ávvuseminára, man váldoteman lea “sámiid buresbirgejumi ovddideapmi”. Ávvusága boahtá doallat árvvus adnojuvvon psykologa Pirkko Lahti.

Lassedieđut Ristenrauna Magga, ristenrauna.magga(a)samisoster.fi, tel +358 400314 154

Saara20ja20kakku

 


Eurohpa parlameanta geigii SámiSosterii eurohpa álbmotláhttu -bálkkášumi Brysselis – Movttiidahttá searvvi bargat ain eanet sámiid ovdii

SámiSoster-searvái geigejuvvui 11.10.2017 virggálaččat Eurohpalaš álbmotláhttu -bálkkášupmi Brysselis stuorra ávvudoaluid oktavuođas. Bálkkášumi leaba viežžamin SámiSoster searvvi sagadoalli Pekka Aikio ja doaimmajođiheaddji Ristenrauna Magga.

Stuorra ávvumállásiid maŋŋá Magga lea measta njuorrasan.

-Liggii váimmu gullat man dehálaš barggu min searvi bargá, das lea stuorra mearkkašupmi olles searvái. Bálkkášumi eai atte geasa beare, baicce dan vihkehallet hui dárkilit gii bálkkášumi oažžu, dan deattuhedje ávvumállásiin, muitala Magga.

Bálkkášupmi addá olles searvái ja bargiide movtta bargat ain eanet sámiid ovdii, illuda Magga.

-Bálkkášupmi addá nu olu fámuid boahttevuhtii. Dát movttidahttá smiehttagoahtit mo mii sáhttit vel eanet bargat sámiid ovdii ja oažžut eanet doaimmaid johtui.

palkinnon luovutus

SámiSoster searvvi sagadoalli Pekka Aikio ja doaimmajođiheaddji Ristenrauna Magga vuostáiválddiiga bálkášumi Brysselis 11.10.2017.

Sirpa Pietikäinen: SámiSoster bargá dehálaš barggu sámiid buresveadjima ovdii.

SámiSoster searvái bálkkašumi lea evttohan europarlamentarihkkár Sirpa Pietikäinen (olgešbellodat). Son čálii twitteras ávvudoaluid áigge man dehálaš barggu SámiSoster bargá sámiid buresveadjima ovdii.

SámiSoster-searvái juolluduvvui geassemánus Eurohpalaš álbmotlahtu -bálkkašupmi (suomagillii “Euroopan kansalaisen palkinto”), muhto dál ordnejedje virggálaš ávvudoaluid Brysselis. Eurohpalaš álbmotláhtu bálkkašumi mieđihit sidjiide, geat leat joksan earenomáš mearkkašahtti olahusaid.

Bálkkašumi ákkat leat doaimmat, main ovddidit ovttasbarggu riikarájáid rastá ja ovdamearkka dihte riikkaidgaskasaš kulturovttasbarggu mii fas nanne Eurohpa-vuoiŋŋa.

Bálkkašumi ožžo olles Eurohpa uniovnnas 50 olbmo, searvvi dahje joavkku. Suomas áidna bálkkašumi oažžu lei SámiSoster searvi.

palkintokyltti

Eurohpalaš álbmotláhtu bálkkašumi mieđihit sidjiide, geat leat joksan earenomáš mearkkašahtti olahusaid.

Eaba dušše ávvut Brysselis, baicce ovddideaba seammás sámiid rivttiid

SámiSostera njunnožat áiguba bargat Bryssela mátkki oktavuođas sámiid buorrin. Prográmmas leat máŋggat alladási deaivvadeamit dego ovdamearkka dihte deaivvadeapmi Eurohpa riekteáššealbmáin.

Sagadoalli Pekka Aikio ja doaimmajođiheaddji Ristenrauna Magga galgaba deaivat maiddái Eurohpa komišuvnna várresagadoalli Jyrki Katainen. Suinna Aikio ja Magga sagastallaba sámiid sajádagas Eurohpa uniovnna politihkkás.

-Dálhan dilli lea nu, ahte europarlamentarihkkát eai dieđe mo guđege mearrádus váikkuha sámiide, eaige sámit dieđe makkár mearrádusaid EU:s goasge dahket. Dan dieđu galggašii oažžut johtit lunddolaččat ja njuovžilit goappáge guvlui.

-Dat bođii ovdan maiddái ávvumállásiin, europarlamentarihkkárat ja virgeolbmot eai gávnna álkket dieđuid mearrádusaid váikkuhusain sápmelaččaide, diekko livčče divustan veara, dadjá Magga.

-Sagastallamis bohte váldit maiddái ovdan dan, gosa sámiid áššit eu-politihkkás gullet ja mo sámiid sajádaga eu-politihkkás nanne. Magga mielas sámiid áššit galggašedje gullat EU sispolitihkkái. Leathan sámit eamiálbmot, eai veahádat. Diet orru leamen oba váttis ášši man ovddidit, dat bođii jo ovdan beavdeságastallamiin ávvumállásiid oktavuođas, dadjá Magga.

kaikki palkinnonsaajat

Bálkkašumi ožžo olles Eurohpa uniovnnas 50 olbmo, searvvi dahje joavkku. Suomas áidna bálkkašumi oažžu lei SámiSoster searvi.

 


SámiSosterii riikkaidgaskasaš-bálkkašupmi – Ággan guhkesáigásaš bargu ja mearkkašahtti olahusat

SámiSoster-searvái lea juolluduvvon eurohpalaš álbmotlahtu -bálkkašupmi (suomagillii “Euroopan kansalaisen palkinto”). Eurohpalaš álbmotláhtu bálkkašumi mieđihit sidjiide, geat leat joksan earenomáš mearkkašahtti olahusaid.

Bálkkašumi ákkat leat doaimmat, main ovddidit ovttasbarggu riikarájáid rastá ja ovdamearkka dihte riikkaidgaskasaš kulturovttasbarggu mii fas nanne Eurohpa-vuoiŋŋa.

RR“Somás giittus mii heive min ávvujahkái”

SámiSoster searvvi doaimmajođiheaddji Ristenrauna Magga illuda bálkkašumis.

-Dát mearkkaša searvái olu. Oainnán dás viidásut mearkkašupmi maiddái, namalassii dan, ahte Eurohpa uniovnna dásis fuomášit sámiid ja min dárbbuid. Dálhan min searvvis lea ávvujahki; SámiSoster lea nagodan guoktelogi jagi bajidit sámiid sosiála- ja dearvvasvuođasuorggi dárbbuid ja dát lea okta somás giittus dan barggu ovddas, čilge Magga.

Europarlamentárihkkár Sirpa Pietikäinen evttohii SámiSosterii bálkkašumi

SámiSoster searvái bálkkašumi lea evttohan europarlamentarihkkár Sirpa Pietikäinen (olgešbellodat). Bálkkašumi ožžot olles Eurohpa uniovnnas 50 olbmo, searvvi dahje joavkku. Suomas áidna bálkkašumi oažžu lea SámiSoster searvi.

 – Olmmošárvu, kultuvrralaš ja gielalaš árvvut, sihke boarrásiid rievttit leat juoidá, mat leat čállojuvvon EU vuođđorivttiide. Min bargun lea sihkkarastit, ahte dáid rivttiid gudnejahttet eandaliige veahádagaid buohta. Dán dihte lean rámis, go sáhttán evttohit SámiSoster searvvi eurohpalaš álbmotlahttu bálkkašumi oažžun. Searvi lea ovddidan sámiid sajádaga ja rivttiid jo jagi 1997 rájes, čállá europarlamentárihkkár Sirpa Pietikäinen reivvestis mainna evttohii SámiSostera bálkkašumi oažžun.

Earenomážit SámiSoster searvvi Muittohallat-prošeakta lea gidden fuomášumi gitta EU ráje. Muittohallat prošeavttas deháleamos lea sámegiella ja kultuvra. Sápmelaš muitobuohccit dávjá vajálduhttet nubbin ohppojuvvon giela, danin sámegiella lea čoavdda olbmo buorre dikšui. Muittohallat-prošeavtta vehkiin vigget maid doalahit sápmelaš muitobuohcciid návccaid ja searalašvuođa ja ná veahkehit muitobuohcciid birget ruovttus nu guhká go vejolaš.

Áiddo dál SámiSosteris leat jođus vihtta sierra sosiála- ja dearvvasvuođasuorggi prošeavtta.SámiSoster rs lea jagis 1997 álggahuvvon riikaviidosaš sámiid sosiála- ja dearvvasvuođasuorggi searvi. Searvi doalaha ja ovddida sámiid sajádaga ja rivttiid álgoálbmogin sosiála ja dearvvasvuođa suorggis, nu álbmotlaš go riikkaidgaskasaš dásisge.

Searvi ordne sihke sáme- ahte suomagielat veardásašdoaimmaid, dáhpáhusaid, joavkodoaimmaid ja áššedovdilogaldallamiid. Searvi bargá maiddái sosiála- ja dearvvasvuođa suorggi dutkan- ja geahččalandoaimmain sihke ordne skuvlejumiid ja almmustahttá materiálaid.

 Olles listu buot bálkkašuvvon olbmuin, joavkkuin dahje servviin gávdno dáppe:

http://www.europarl.europa.eu/pdf/prizes/ECP2017_list%20of%20laureates_FI.pdf


Čoahkis -fidnu čohkke sámegielat dearvvasvuođamateriálaid oktii

SámiSoster rs ja Sámediggi leaba álggahan prošeavtta, man ulbmilin lea ovddidit sámiid dearvvasvuođarávvema sosiála- ja dearvvasvuođasuorggis. Čoahkis-prošeavttas čohkkejit juo ovdal almmustahttojuvvon ja ráhkaduvvon materiálaid materiálabáŋkui.

-Materiálabáŋkku dárbu lea boahtán ovdii ovdamearka dihte SOTE-ođastusa válmmaštallama oktavuođas sámegielat bargojoavkkus, SámiSostera doaimmajođiheaddji Ristenrauna Magga muitala. – Sámegielat materiálain ja ahte dat lea gávdnomis ja oažžumis, sámegielagiid ovttaveardásašvuohta gievru.

Sámegielat buresveadjin- ja dearvvasvuođarávvenmateriála lea buvttaduvvon juo muhtun veardde sierra organisašuvnnain. Dat goittotge leat hárve geavahusas, ja daid lea váttis oažžut dahje gávdnat.

– Materiálabáŋkkuin, man Čoahkis-prošeakta čohkke, lea dárkkuhus lasihit juo almmustahttojuvvon materiála geavaheami, ja ahte daid leat álkit gávdnat, prošeaktabargi Ida Pirttijärvi muitala. – Dan lassin oktasaš materiálabáŋku lasiha goasttádusbeaktilvuođa ovdamearka dihte gielddain sámegielat rávvenmateriála buvttadeamis.

Go materiálat čohkkejuvvojit materiálabáŋkui, seammás ožžot maid dieđu juo ráhkaduvvon materiálas, ja gávnnahuvvo maid, leago materiálat maidda lea earenoamáš dárbu. Suomas čohkkejit dearvvasvuođarávvenmateriálat davvisámegillii, anárašgillii ja nuortalašgillii. Davvisámegielat materiála čogget ja ohcet maid Norgga ja Ruoŧa bealde.

Stuorámus bargu prošeavttas lea materiála čohkken ollisvuođas.

-Mii sávvat veahki materiála čohkkemii buohkain, Ida Pirttijärvi dadjá. – Juos lea gos nu ožžon ovdamearka dihte juoga sámegielat rávvengihppaga dahje juos lea jurdagat das, maid gálgá váldit vuhtii materiálabáŋkku ráhkamis, gánniha váldit oktavuođa.

Prošeavttas kártejit sámegielat dearvvasvuođarávvenmateriála, ja veahkkin dasa sáhttet leat maid eiseválddit ja organisašuvnnat. Juos organisašuvnnas lea sámegielat dearvvasvuođarávven materiála, mii heivešii materiálabáŋkui, sáhttá váldit oktavuođa prošeaktabargiin. Oktavuođadieđut gávdnojit SámiSoster neahttasiidduin.

Prošeavttas lea iežas Twitter-kontu, gos sáhttá čuovvut prošeavtta. Konttu sáhttá čuovvut, vaikko ii livččege Twitteris, čujuhus lea www.twitter.com/coahkis.

Lassedieđut:
Ristenrauna Magga, doaibmajođiheaddji SámiSoster rs, ristenrauna.magga(a)samisoster.fi
Ida Pirttijärvi, prošeaktabargi Čoahkis, ida.pirttijarvi(a)samisoster.fi, tel. +358 40 1765012



SámiSoster rs ordne virkusmahtinleairra sámiguovllu oapmahašdivššariidde Eanodagas Hetan kotas 3.-5.5.2017

Leairra ulbmilin lea doarjut oapmahašdivššariid veadjima ee. oapmahašdivššariid gaskasaš veardásašdoarjaga ovttideamin, skuvlejumi fállámin ja joavkoságastallamin.  Dan lassin mii fállat virkusdahttima, orruma ja borrámuša. Leairras geavahuvvo davvisáme- ja suomagiella. Oassálastit gartet máksit 20 € iežasgoastiđan oassi.

Almmuheame oktavuođas dieđit biebmoávnnasallergiijat.
Leirii sáhtu ordne juohkehaš ieš.

Gurssa jođideaddjit diakonissa Anja Karhula Anár searvvegottis ja Leena Palojärvi SámiSoster rs:s
Beivviid prográmmas lea olgun váccašeapmi, ovttas leahkkin, logaldallámat, ságasdallamat, virkusmahttin.

Lasseđieđut ja almmuheamet 18.4.2017 rádjai Leena Palojärvi, tlf. 040 742 8525
dehe leena.palojarvi(at)samisoster.fi



Buohkaide rabas logaldallan ja ságastallan dilalašvuohta
Fádda: OVDDUIDGOHCCINFÁPMUDUS JA DIKŠUNDÁHTTU

Áigi: 23.3.2017 dmu 13.00 – 15.00
Báiki: Heahttá KIEPPI, Ounastie 161

Logaldallin muitoaššedovdi Tarja Niittymäki
Ságastallan ja gáfestallan.

Čuovo interneahtta čujuhusas: 
http://www.youtube.com/channel/UCUBGynJCZnICzmQcIfGNguw/live

Lassedieđut:
Muittohallat
Prošeaktabargi
Sointu Jokiniemi
sointu.jokiniemi(at)samisoster.fi
tlf. +358 40 561 1900

 


 

Bargoáhkásaš olbmuide buresveadjinluopmu
 
SámiSoster rs ja Maaseudun Terveys- ja Lomahuolto rs ordnejit bargoáhkáččaide buresveadjinluomu
Kiilopää, Čuoločealggis 27.8. – 1.9.2017.
 
Luopmu lea oaivilduvvon olbmuide geat leat barggus. Luomus lea vejolašvuohta bagadallon lihkadeapmái, dearvvašvuođadeastaide, logaldallámat sihke beare leahket luomus.

Luopmu sisdoalla orruma, boradeami ja luomuprográmma. Luomus lea okta sámegielat jođiheaddji, muhto prográmma ja bagadallán lea suomagielain. Luomuprográmma sáddejuvvo njuolga luopmui vállejuvvon olbmuide.
 
Luomu iešgoasttiđan oassi lea 20 euro/ jándor/olmmos.

Luopmui ohcan lea sierra luopmodoarjahat skoviin. Ohcamuša ferte deavdit fuolalaččat ja vuoduštit luomu dárbbu earenomášvuođa, deinna go das lea ávki luopmodoarjaga međiheapmái. Maaseudun Terveys- ja Lomahuolto rs dahkká luopmodoarjamearrádusa ja almmuha das sullii guokte mánu ovdal luomu álgima.
 
Luopmo ohcmuša sahttá máŋget neahtás čujuhusas http://www.mtlh.fi/fi/Lomatuen%20haku/
Ohčamušat leat maid Sámisoster rs doaimmahagas Anáris ja Eanodagas Heahtás. Jus lea dárpu oktasaš giktii luopmobáikái, váldde oktavuođa Sámisoster rs:a doaibmabáikiide. Oktasaš giktii guosgevaš áššii čielggahit.
 
Lasidieđut:
Saara Ketola, saara.ketola(at)samisoster.fi dehe 040 745 4620
Anne Näkkäläjärvi, anne.nakkalajarvi(at)samisoster.fi dehe 040 350 4007
 
Ohcanáigi nohká 27.5.2017

Ohcamušat máhcajuvvojit čujuhussii:
Maaseudun Terveys- ja lomahuolto ry
Mannerheimintie 31 B 20
00250 HELSINKI

 


 

Muittohallat- prošeakta ordne Eanodagas

Muittašan-biire

ASPA Rievssatmuorjjis gaskavahkuid dmu 12.30 – 14.30.

Gárasavvona kapeallas bárahis vahkuin distagaid dmu 12.00-14.00.

Muittašan, ságastallan, lihkadeapmi ja ovttastallan vuorasolbmuidda, sis geat áššiid vajálduhttet

Leat bures boahtin!

Lassedieđut:
Muittohallat
Prošeaktabargi
Sointu Jokiniemi
sointu.jokiniemi(at)samisoster.fi
tlf. +358 40 561 1900

 


 

Birgen ruovttus- doaimma ahkeolbmuid čoahkaneamet Eanodagas.

Heahtá joavku Luovatupas mánnodagaid dmu 13.00-15.00

Bealdovuomi joavku, Bealdovuomi skuvllas gaskavahkuid dmu 14.00-16.00

Bálojoganjálmmi joavku, sierra dáluin bárahis vahkuin duorastagaid dmu 13.00-15.00

Gárasavvona joavku, Gárasavvona kapeallas báralaš vahkuin distagaid dmu 12.00-14.00

Bures boahtin mielde!

Lassedieđut:
Leena Palojärvi
tlf. +358 40 742 8525
leena.palojarvi(at)samisoster.fi


 


 

SámiSoster ry tiedottaa

RAY:n historian suurin – ja viimeinen- avustusehdotus julkaistu
RAY julkaisi tänään historiansa viimeisen avustusehdotuksen Raha-automaattiavustusten jaosta sosiaali- ja terveysalan järjestöille. Myös jaettava avustus on RAY:n historian suurin, yli 317 miljoonaa euroa. SámiSoster ry:lle on ehdotettu avustusta 731 185 € vuodelle 2017. Positiivista päätöksessä oli, että kaikki nykyiset toiminnat jatkuvat ja käynnistyy yksi uusi hanke. Kielteistä oli erityisesti se, että Vuotsoon suunniteltu Mokta-hanke ei vieläkään saanut rahoitusta.

Kehittämisprojekteista ja hankkeista edelleen jatkuvat

Birgen ruovttus -hanke Enontekiöllä ja Inarissa, jossa järjestetään ryhmä- vertaistuki ja kohtaamispaikkatoimintaa ikäihmisten ja omaishoitajien yhteisöllisyyden edistämiseksi sekä toimintakyvyn ylläpitämiseksi,

Goaikkanas – hanke saamelaisalueella, työikäisten päihteiden riskikäyttäjien alkoholinkäytön vähentämiseen ja elämänhallinnan vahvistamiseen ryhmämuotoisella ehkäisevällä päihdetyöllä ja varhaisella interventiolla luontoympäristöä hyödyntäen,

Muittohallat – hanke saamelaisten muistisairaiden, omaisten ja hoitajien toimintakyvyn ja vireyden tukemiseen ja edistämiseen muistitiedon lisäämisellä muistityöpajoissa sekä saamelaisista voimavaroista toteutettavalla, aktivoivalla ryhmätoiminnalla ja kotikäyntityöllä sekä saamelaiskulttuurista työskentelymateriaalia kehittämällä,

Buorre boahtteaigi -projekti Porosaamelaisten hyvinvoinnin ja osallisuuden edistämiseen tietoisuuden lisäämisellä, ohjauksella ja vertaistoiminnoilla

Uutena projektina ehdotetaan Čoahkkis-Koossa -hanketta, jossa edistetään saamelaista hyvinvointia ja terveyttä lisäämällä saamenkielisen terveysneuvontamateriaalin saatavuutta kokoamalla jo olemassa olevista materiaaleista nettipohjainen materiaalipankki.

Yhdistyksen hallinto kiittää jäsenistöä ja kaikkia yhteistyökumppaneita kuluneesta vuodesta ja toivottaa oikein rahallista joulun aikaa ja hyvää tulevaa vuotta.

Lisätietoja:
Ristenrauna Magga, vt. toiminnanjohtaja
ristenrauna.magga(at)samisoster.fi
puh +358 400 314154

 


Vuoden Muistiteko 2016 -bálkkašupmi SámiSoster rs:i.

Vuoden Muistiteko 2016 -dovddastusbálkkašupmi addojuvvo SámiSoster rs:i mávssolaš barggus sápmelaš muitobuhcciiguin.

Earret eará searvvi Muittohallat-Muistutella -prošeavtta ulbmilin lea doarjut ja nannet sápmelaš muitobuhcciid oppalaš doaibmannávccaid ja virkuivuođa. Dasa lassin prošeavtta ulbmilin lea veahkehit muittohuvvan olbmuid orruma ruovttus ja nuppe dáfus doarjut buohcci lagasolbmuid muitobuo-zalmasvuođain deaivvadeamis. Prošeavttas vuođđun leat olbmuid iežaset doaibmannávccat, nanusvuođat, vásáhusat ja oainnut árgabeaivvis. Doaibma lea ollašuhtton sámiid iežaset kultuvrra vuođul ja sámegillii. RAO:a Eloisa ikä -prográmmii gullevaš prošeavttas ulbmilin leage maid ovddidit kultursensitiivvalaš  bargovugiid.

Earenoamášmáinnašupmi Vuoden Muistiteko 2016 -bálkkašumis addojuvvo SámiSoster rs ságajođiheaddji Ristenrauna Maggai, guhte lea guhká ja mávssolaččat bargan sápmelaš boaresolbmuid ja muitobuhcciid divššu ovddidemiin. Magga lea iežas doaimmaiguin váikkuhan maiddái dasa, ahte Lappi guovllu sámegielddain leat aktiivvalaččat ovddidišgoahtán dáid áššiid ja geahččalan oaččuhit muitobarggu máhttima seamma dássái buot gielddain.

SámiSoster rs lea jagi 1997 vuođđuduvvon riikkadási sosiála- ja dearvvasvuohtasearvi. Dan ulbmilin lea gohcit, bajásdoallat ja ovddidit sápmelaččaid vuoigatvuođaid álgoálbmogin sosiála- ja dearvvasvuohtasuorggis ja buresveadjimii gullevaš gažaldagain nu álbmotlaš go álbmogiidgaskasaš oktavuođain. Searvi ordne earret eará sáme- ja suomagielat veardásašdoarjaga, leairraid ja dáhpáhusaid, áššedovdilogaldallamiid ja skuvlejumiid, almmustahttá materiála, lea mielde ovddidan- ja dutkandoaimmain ja dieđiha sosiála- ja dearvvasvuohtasuorggi áššiin.

Suomen muistiasiantuntijat ry lea juohkán Vuoden Muistiteko -dovddastusbálkkašumi jagi 1994 rájes. Dat mieđihuvvo ovttaskas olbmui dehe servošiidda, mat leat iežas doaimmaiguin ovddidan muittohuvvan olbmuid buori divššu ollašuvvama. Dál 23. geardde juhkkojuvvon dovddastusbálkkašumi sturrodat lea 1000 euro.

Vuoden Muistiteko 2016 -dovddastusbálkkašupmi geigejuvvo Valtakunnallinen muistifoorumi (riikkadási muitoforum) -dáhpáhusas bearjadaga 7.10.2016 dmu 11.45, Helssega universitehta, váldovisti, Fabianinkatu 33, Sále 5.

Suomen muistiasiantuntijat rs lea jagis 1990 vuođđuduvvon ovttastus, man ulbmilin lea muittuhuvvan olbmuid buori eallima ja buresveadjima ovddideapmi ámmátolbmuid bokte. Ovttastus váikkuha mearrádusaid dahkamii, juohká muitobuozalmasvuođaide gullevaš dieđu, buvttada materiála ja skuvle – dáinna lágiin ovttastusa láhtuid máhtu nannemiin buorida muittohuvvan olbmuid bálvalusaid.

Lassidieđut:
Ristenrauna Magga
SámiSoster rs ságajođiheaddji
tel. +358 400 314 154
ristenrauna.magga(at)samisoster.fi

Helena Räsänen
Suomen muistiasiantuntijat ry:a stivralahttu
tel. +358 504 093 906
helena.rasanen(at)sipoo.fi

 


 

Muitogiisá
SámiSoster ry on Muittohallat- saamelaisen muistisairaan arjen tueksi- hankkeessa valmistanut saamelaiskulttuurisensitiivisen aineistopankin Muitogiisán.

Muitogiisá on kehitetty omaisten ja sosiaali- ja terveyspalveluiden ammattihenkilöstön tueksi. Saamelaisen asiakkaan auttamisessa voi hyödyntää Muitogiisásta löytyvää materiaalia. Saamelaisten oman kielen merkitys ja kulttuurinen ymmärrys korostuvat erityisesti sosiaali- ja terveyspalveluissa ja auttamistoimissa, joissa käsiteltävät asiat ovat usein hyvin henkilökohtaisia ja vaikeasti kommunikoitavia.

Muitogiisásta löytyy tietoa saamelaisista ja saamelaisten kulttuurista mm. saamen kielestä, elinkeinoista, töistä, vaatetuksesta ja luontoon liittyvistä asioista, saamenkielisiä sanontoja hoitotilanteisiin sekä tietoa muistisairaan kohtaamiseen liittyvistä asioista. Muitogiisásta löytyy arjen avuksi saamelaisia Muitašan-kortteja, videoita, tarinoita ja linkkejä saamelaiseen musiikkiin. Muitogiisá sopii myös ikäpolvien yhteisen toiminnan suunnitteluun sekä opetuskäyttöön.

Muittogiisá nimi muodostuu siitä, että se sisältää saamelaiskulttuurille keskeisiä ja arvokkaita asioita.

Muitogiisán löydät osoitteesta www.samisoster.fi/muitogiisa

Yhteystiedot:
Ristenrauna Magga
SámiSoster ry
ristenrauna.magga(at)samisoster.fi
puh: +358 40 350 4007

 


 

Anára Doaibmaviessu

Anára Doaibmaviessu lea fas rabas boahttejági bealde, rahpan áiggit almmuhuvvo maŋŋel!

Buorre Juovllaid ja Lihkolaš Ođđa Jagi 2017!

Anára Doaibmaviessu lea Anára gili searvegotteviesus (olgesbeale uksa) čujuhus: Pappilantie 1, 99870 Inari

 

Lassedieđut:
Inger-Anne Äärelä
tlf: 040 760 9338 dehe inger-anne.aarela(at)samisoster.fi