Álmmuhus bargosajis – DIGIÁŠŠEDOVDI

SámiSoster -searvi álggaha SaameDigi -ovddidanprošeavtta, man ulbmilin lea buoridit searvvi sámegielat ja sámekultuvrii vuođđuduvvi bálvalusaid fidnašuvvama ja juksama digitálalaš vugiiguin, ovddidit earenoamážit eallilan sámi olbmuid dáidduid digitálalaš bálvalusaid geavaheamis ja gárvet ođđa digitálalaš bálvalanmálliid. Lappi EJB-guovddáš lea juolludan prošeavtta ollašuhttimii EU-ruhtadandoarjaga Nannán-Suoma dálonguovloprográmma 2014–2020 ruđain. Searvi ohcá prošeavtta čađaheami várás 

                                                DIGIÁŠŠEDOVDI

oasseáigásaš ja mearreáigásaš bargogaskavuhtii. Digiáššedovdi dikšu prošeavtta dihtorteknihkalaš doaimmaid ovttasbarggus prošeavtta jođiheaddjiin. Barggu ceavzilis dikšun gáibida heivvolaš suorggi skuvlejumi, buori dihtorteknihkalaš čehppodaga ja ođđaáigásaš gáiddusráđđádallanprográmmaid dovdamuša (ee. Teams, Zoom, Adobe Connect ja Google meet). Mii atnit árvvus buriid ovttasbargo- ja gulahallandáidduid, návccaid geahččat digitálalaš bálvalusaid daid geavaheaddjiid čalmmiiguin sihke gearggusvuođa bargat iehčanasat ja iešoaivvestis.

Bargu álgá jođáneamos lági mielde ja bistá 31.8.2023 rádjai, vejolaččat veháš guhkibutge. Bargogaskavuođas lea golmma (3) mánotbaji geahččalanáigi. Bálká mearriduvvo skuvlejumi ja bargovásáhusa mielde. Lassidieđuid barggu birra addá doaimmajođiheaddji Ristenrauna Magga, tel. 0400–314 154, email: ristenrauna.magga(at)samisoster.fi  

Ohcamušaid oktan mildosiiguin galgá doaimmahit searvvi doaimmahahkii 12.9.2022 dmu 16.00 rádjai šleađgapoastta: info(at)samisoster.fi dahje poastta bokte: SámiSoster rs, PB 71, 99870 Anár.