Almmuhus bargosajis – SámiSoster ohcá prošeaktahoavdda

SámiSoster searvi álggaha SaameDigi -ovddidanprošeavtta, man ulbmilin lea buoridit searvvi sámegielat ja sámekultuvrii vuođđuduvvi bálvalusaid fidnašuvvama ja juksama digitálalaš vugiiguin, ovddidit earenoamážit eallilan sámi olbmuid dáidduid digitálalaš bálvalusaid geavaheamis ja gárvet ođđa digitálalaš bálvalanmálliid. Lappi EJB-guovddáš lea juolludan prošeavtta ollašuhttimii EU-ruhtadandoarjaga Nannán-Suoma dálonguovloprográmma 2014–2020 ruđain. Dál searvi ohcá prošeavtta čađaheami várás ollesáigásaš 

                                                PROŠEAKTAHOAVDDA

mearreáigásaš bargogaskavuhtii. Prošeaktahoavdda váldobargun lea jođihit ja koordineret prošeavtta sihke erenoamážit gárvet digitálalaš bálvalusaid doaibmamálle, mii lea prošeavtta váldomihttomearri.  Barggu ceavzilis dikšun gáibida heivvolaš skuvlejumi, návccaid fuomášit ja áddet digitálalaš bálvalusaid vejolašvuođaid ja gáibádusaid, vásihusa prošeaktabarggus sihke vuođđomáhtu dihtorteknihkaš ja ođđaáigásaš gáiddusráđđádallanprográmmaid geavaheamis. Dasa lassin prošeaktahoavda dárbbaša barggustis buriid ovttasbargo-, gulahallan- ja organiserendáidduid, návccaid geahččat digitálalaš bálvalusaid daid geavaheaddjiid čalmmiiguin ja bargat iehčanasat ja iešoaivvestis. Sámekultuvrra dovdamuš ja sámegiela dáidu leat ávkin barggu ceavzilis dikšumis.

Bargu álgá jođáneamos lági mielde ja bistá 31.3.2023 rádjai, vejolaččat veháš guhkibutge. Bargogaskavuođas lea golmma (3) mánotbaji geahččalanáigi. Bálká mearriduvvo skuvlejumi ja bargovásáhusa mielde. Lassidieđuid barggu birra addá doaimmajođiheaddji Ristenrauna Magga, tel. 0400–314 154, email: ristenrauna.magga(at)samisoster.fi  

Ohcamušaid oktan mildosiiguin galgá doaimmahit searvvi doaimmahahkii 18.5.2022 dmu 16.00 rádjai šleađgapoastta: info(at)samisoster.fi dahje poastta bokte: SámiSoster rs, PB 71, 99870 Anár.