Veahkki

Veahkki

SámiSoster rs Veahkki-doaibma sirdása Eanodaga gieldda doaibman 1.3.2015 rájes.

SámiSoster rs ja Eanodaga gielda leaba dahkan soahpamuša Veahkki-doaimmas, mas lea ulbmilin doarjut sápmelaččaid ahkeolbmuid, mielladearvvašvuođaveajuiduhttiid ja lápmasiid iežasgielat ja kultuvrralaš doarjja ábuin ruovttus birgejumi ja sosiálalaš kontávttaid ja searvegaskavuođa bajásdoallamis.

Veahkki sáhttá sihttát, juos sápmelaš kunddar dárbbaša ruovttus birgejumi doarjjan hedjonan doaibmannávccaid dihte kultuvrralaš ja/dahje iežatgielat doarjaga ja veahkki beaivválaš vuođđodoaimmain. Kundariid bálvalusdárbbu gártemis ja bálvalusplána dahkamis vástida sámegielat ovddideaddji-sosiálabargi Anne-Maria Näkkäläjärvi. Ovttastusa bealde ovddasvástádusolmmožin doaibmá doaibmajođiheaddji Juha Guttorm.

Gielda bearrá Veahkki-doaimmas máksoásahusa mielde ruovttubálvalusmávssu. Gielda oažžu doaibmamii stáhtadoarjaga Sámediggi sosiála- ja dearvvašvuođalávdegoddis.