Buresbirgejupmi luonddus

IMG_9934Dáppe davvin luondu lea midjiide buohkaide hui dehalaš. Luondu addá midjiide návccaid, ráfáidahttá ja lotkkodahttá min. Luondu virkkosmuhttá ja geahpida miela maiddái dalle go deivet losit ja seavdnjadit áiggit. Maiddái dutkit leat gávnnahan ahte luondu dearvvasmahttá ja veajuiduhttá olbmuid. Maiddái iežan barggus, Goaikkanas -doaimmas, lean fuobmán, mot luondu ráfáidahttá olbmo. Luondu fállá olbmui dorvvolaš birrasa, gos son sáhttá geahčadit ja guorahallat iežas eallima veháš vuđoleappot. Meahcceterapijja -leairrain oažžut ovttas návddašit luonddu čábbodagas ja dovdat, mot luondu addá midjiide ođđa návccaid.

go site  

NimetönDál skábmamánus, čakčadálvve, leimmet leairras Giehtaruohttasis ja váccašeimmet mehciid. Min jienat birastahtte luonddu ja min jurdagat girddašedje luovosin. Go joavddaimet duoddarii, de bisáneimmet geahččat beaivváža suotnjariid, mat ledje soahkegierragiid bajábealde ja ráfi devddii min mielaid. Duoddaris fuomášeimmet bárbmolottiid johtánmovtta. Áibbas dego lottit livčče vel min dearvvaheame ja guođđime geassedearvvuođaid ovdal go vulget guhkás luksa. Mii buohkat dovddaimet, ahte mii gullat lundui ja leat oassi das. Ipmirdin eanet aht’ eanet luonddu mearkkašumi ja man dehálaš dat lea.

Eahkes go váccašin mánoheahpin ja ginttalčuovggas olgosávnnjis bartii, de jorralin unna rokkážii. Čuovvovaš sávdnjái manniide váruhin bálgás ja ahte ferte leat várrogas. Jurddahallen, man ollu áššehacca eallin muittuha luonddu gierddu. Muhtumin davvebiegga ja ruvaš geahččaladdet olbmo ja vuosttás lea lossat johtit. Mátkkis leat rokkit, maidda sáhttá jorralit. Dalle ferte goargŋut duoddarii vai oaidná guhkkelii. Go firte ja bieggá mieđás, de sáhttá lullebiegga maid njávkkadit muođuid. Eallin jorggiha miehtebiggii.

watch Dáiguin čakčadálvvi dovdduiguin háliidan sávvat buot blogi-lohkkiid eallimii miehtebiekka. Návddašehket čakčadálvvis, mánoheabis ja sevdnjes eahkediin. Doaivvun, ahte ginttalčuovga ligge din mielaid.

Čakčadálvvi dearvvuođaiguin

Ellen Anne 13.11.2014

go