Giđđat lea fiinnis leahket luomus ja go leat olu vejolašvuođat leahket gos beare. Dan jagi skuvllaid čuoiganluopmovahkus lei sápmelašbearrasiin vejolašvuohta leahket luomus Ylläsis. Maaseudun terveys- ja lomahuolto rs ordnii “min bearraša luopmu” ovttasbargguin SámiSoster rs:in . Dan luopmui oassálaste čieža mánnábearraša.
Orruleimmet vahkkoša Ylläsrinne nammasaš hoteallas ja duođaid návddaseimmet hotealla eallimis ja čuoigadit beasai nu ollugo nagodii, dan báikis ledje čuoiganláhtut badjel golbmačuohte kilometera ja juohke viđa kilometera geahčen lei vuoiŋŋstanstohpu. Čierastallamii maiddai lei vejolašvuohta ja čierastallan luohkkáid lohkkomeariis ii leat dárkilis diehtu, muhto dat ledje olu.
Mánáidde lei hotealla lahkosii ráhkaduvvon pulhkor čieraštanluohkká, mas mánáin lei dorvvolaš čierastallat ja das gal lei suohtas mánáidde čieraštallat. Mánáid čieraštallan báiki lahkosii ordnejin njoarostanbáiki ja vai beasai geahčalit njoaroasteame. Dan luopmui mánáidde lei ordnejuvvon stohkanbottut ja dan lassiin ledjen sámegielat mánnádivččarin, vuoi váhnemat besse gasganeaset golahit áiggi ja vaiko čuoiggadit.
Sámisoster rs:a bargiin, nugo ovdalge, mus lea geatnegasvuohtan nannet bearrašiidde sápmelaš kultuvrra ja sámegiela. Ordnejin bearraašiidde duodjebottu, mii duddjoimmet čoavddagilkorit sistis ja hearvabáddin. Duddjomis lea lunddolaš geavahit sámegiela ja maiddai lávlluimme sámegielat mánáid lávlluid barggadeattiin.
Guovtti eahkedis lei mánáin vejolašvuohta oassálastit mánáid karaoke- lávlunbottui, min joavkkus gávdnojedje maidddai čeahpes mánát geat roahkasnuvve ieaža lávlut. Váttisvuohtan lei go eai gávdnon sámegielat karaokelávlagit. Dat mánát geat lávlo gal jo ledje duođain čeahppit.
Giitošat buot bearrašiidde bures mannán luomus ja návddasehtet giđđabeivvin olgun lihkadeattiin.
Beaivesuonjariid mielde sádden dearvvuođaid buohkaide ja cudŋo nalde čuoiggadan
Eanodagas 20.3.2015
Saara