Birgen ruovttus-doaibma

Birgen ruovttus – doaibma sáhttá juhkkojuvvot golmma váldojovkui,

  • ahkeolbmuid joavkodoaibma
  • Vuorrásot olbmuid ovttastallansajit (Heahtás, Anáris, Gáregasnjarggas ja Vuohčus)
  • oapmahašdikšuid doaibma

Dasa lassin doaimmabagadalli bargui gullet ee. čanastatjoavkodoaimmat, eaktodáhtolaš ruoktogalledandoaimmat, ja eará prošeavttaid bargiid veardásašdeaivvademiid ordnen.

Doaimmabagadalli bargui gullá olles Birgen ruovttus – doaimma koordineren, jođiheapmi, čuovvun, dokumenteren, árvvoštallan, ovddideapmi, raporteren, bálvalusrávvagat beaivádeapmi, mihttomeriid čuovvun ja ovddideapmi, joavkodoaimmaid ovddideapmi ja bagadallan.

Birgen ruovttus – doaibma lágida ahkeolbmuide joavkodoaimmaid ja dáhpáhusaid, mat ovddidit máŋggakultuvrralaš ja sosiálalaš gulahallama.

Luovatupa lea deaivvadanbáiki, masa buohkain lea álki boahtit. Luovatupas gávnnat ”giliorrunlanja”, gosa sáhtát mannat golahit áiggi, gođđit suohkuid dahje vuorddedettiin sáhtu vaikke jugistit gáfe. Luovatupas doaibmá ovttaskasolbmuid ja searvegotti lahpesmárkan.

Mokta-viessu Vuohčus lea vuorrasot olbmuid deaivvadanbáiki, gos borađit ja háleštallat ovttas.

Toimintatupa lea deaivvadanbáikki Anáris.

Oapmahašdikšuide ordnejuvvojit oktii mánus ovttasbarggus Eanodaga gielddain veardásašjoavkodeaivvadeamit ja jahkásaččat lágiduvvo oppa sámeguovllu oapmahašdikšuide oktasaš virkkosmahtinleaira.

-Ruoktogalledanbarggu ja čanastatjoavkodoaimma leat ovddidan ja rávven ja láiden lea addojuvvon nu persovnnalaš ruoktogalledemiiguin go maiddái telefovnna oktavuođain. Erenomážit mii váldit vuhtii sápmelaš áššehaččaid gielalaš ja kultuvrralaš erenomášdárbbuid.

Mii dieđihit buot doaimmain báikkálašaviisa Enontekiön Sanomat ”muistilappu” bálstá alde, Inarilainen-aviisas, sámerádios, sierranas dieđáhusaiguin, searvegotti dieđáhusaid oktavuođas, gieldda ahkeolbmuid bálvalusofelaččas, SámiSoster rs Facebook-siidduin ja dieđusge min SámiSoster rs neahttasiidduin.