Buresboahtin SámiSoster rs neahttasiidduide

SámiSoster rs lea jagis 1997 vuođđuduvvon riikkaviidosaš sápmelaččaid sosiála- ja dearvvasvuođasuorggi searvi.

Searvvi ulbmilin lea gohccit, bajásdoallat ja ovddidit sápmelaččaid sajádaga ja rivttiid álgoálbmogin sosiála- ja dearvvasvuođasuorggis sihke buresveadjimii laktáseaddji gažaldagain álbmotlaš ja álbmogiidgaskasaš oktavuođain. Searvi dahká dáin áššiin álgagiid ja addá cealkámušaid.

SámiSoster rs ordne sáme- ja/dahje suomagielat veardásašdoarjaga, leairraid, dáhpáhusaid, buresveadjinbeivviid, joavkodoaimmaid, áššedovdilogaldallamiid, ovddidandoaimmaid ja sohkabuolvvaid gaskasaš ovttastallama.

Dasa lassin searvi bargá sápmelaččaid sosiála- ja dearvvasvuođasuorgái gullevaš dutkamuš- ja iskkadandoaimmain sihke lágida skuvlema, almmustahttá materiála ja dieđiha sosiála- ja dearvvasvuođasuorgái gullevaš áššiin.