Bearašluopmu sápmelaš mánnábearrašiide čakčat 2021

Maaseudun Terveys- ja Lomahuolto ry ja SámiSoster rs ordneba ovttas bearašluomu Rokua Health & Spas Rokuas 17.-22.10.2021. Bearašluopmu lea oaivvilduvvon bearrašiide, mas guktot dahje nubbi vánhen lea sápmelaš.

Luopmu sisttisdoallá dievas bajásdoallama, idjademiid, luopmobáikki vuojadan- ja álšasále geavaheami ja joavkku várás plánejuvvon prográmma. Bearašluomus lea 1-3 jahkásaš mánaidde dikšun (4 x 2dmu). Luomus lea mielde okta sámegielat bargi, muđui prográmma ja bagadallan lea suomagillii. Luomu dárkilut prográmma gárvvásmuvvá maŋŋelaš.

Luomus olles olmmoš ferte máksit 20 euro jándoris. 0-16 jahkásaš mánát besset lupmui nuvttá.

Bearašluomu galgá ohcat sierra luopmodoarjjaohcamušain. Ohcamuša galgá deavdit fuolalaččat ja ákkastallat bures manin ohccá luomu. Luopmodoarjaga juolludit dávjá buorre ákkastallamiid vuođul. Maaseudun terveys- ja lomahuolto ry mearrida geat besset lupmui ja álmmuha njuolga ohcciide sullii guokte mánu ovdal luomu.

Luomu ohcanskovit ja rávvagat gávdnojit Maaseudun Terveys- ja Lomahuolto ry neahttasiidduin www.mtlh.fi 

Dá liŋka SámiSoster rs ja Maaseudun terveys- ja lomahuolto ovttasbargun lágiduvvon luomuid ohcánskoviidde. https://mtlh.fi/lomatarjonta/erityisryhmille/hae-oman-kohderyhmasi-lomaa/samisoster-ry/

Lassidieđuid luomus addá 
Anne Näkkäläjärvi, anne.nakkalajarvi@samisoster.fi, +358 40 350 4007 ja 
Inger-Anne Äärelä; inger-anne.aarela@samisoster.fi +358 40 760 9338. 

Ohcanáigi nohká 17.8.2021.

Ohcamušaid galgá deavdit neahtás.