SámiSoster rs ordne ovttas Ehyt rs Kannabis-prošeavttain “Dáppe oažžu hállat kannabisas”-skuvlejumit leat Anáris duorastaga 19.9. dii 10 ja bearjadaga 20.9. Heahttás dii 10.
Kannabisprošeakta lea buvttadan KASVI-interventiometoda, ja dan materiálat leat dál jorgaluvvon maiddái davvisámegillii. “Dáppe oažžu hállat kannabisas”-materiálat leat dárkkuhuvvon earenoamážit veahkkin, go hállojuvvo kannabisa geavaheamis. Materiálat heivejit maid geavaheami geahpadeami sihke geavaheami heaitima doarjjan.
Skuvlejupmi lea oassálastiide nuvttá. Báikkit leat Anáris SámiSostera Doaimaviessu Anára girkkosiiddas (Pappilantie 4) ja Heahttás nuoraidlatnja Kieppi (Ounastie 161). Skuvlejumi bistá sullii guokte diimmu ja skuvlejeaddjin lea Ehyt rs bargi Tuija Auvinen.
Skuvlejumi heive gielddaid ja organisašuvnnaid garrenávnnasbargiide sihke eará bargiide, omd. ohcci nuoraidbargiide, oahppidearvvasvuođabargiide, nuoraidbargiide, mánáidsuodjalusa bargiide jna.
Lassedieđut:
Tuija Auvinen, EHYT ry, tuija.auvinen(a)ehyt.fi, tel. 050 331 7240
Ida Pirttijärvi, SámiSoster ry, ida.pirttijarvi(a)samisoster.fi, tel. 040 176 5012