Musihkka

Sámemusihkka ovttastahttá máŋggabealagit sierra musihkkastiillaid ja váikkuhusaid.
Dábálaččat sámemusihkar ráhkada máŋggalágán dáidaga; lea ovdamearkka dihte
typihkalaš, ahte dáiddára buvttadussii gullá sihke musihka ja lyrihka. Sámedáidda –
dáiddasuorggis fuolakeahttá – lea dávjá maiddái bealiváldi ja servodatlaš. Dáidda sáhttá
čalmmustahttit stuorra fáttáid dego ovdamearkka dihte sápmelaš identitehta, sámiid ja
váldoálbmoga deaivvademiid ja sápmelaččaid sajádaga. Bivnnuhis fáddá sámedáidagis
lea maiddái árbevirolaš luonddulagaš sámekultuvrra ja modearna áiggi ruossalasvuohta.

Dadjet, ahte luohti lea okta máilmmi árbeviroleamos lávlunhámiin, ja dat ovddasta dološ sápmelaš árbbi. Luohti sáhttá muitalit olbmo lassin ovdamearkka dihte elliin dahje luonddus. Luođis lea ain mearkkašahtti rolla sámeidentitehta doalaheaddjin; luohti ovttastahttá sámiid ja lea muhtimin juoba politihkalaš vearju, mii earuha sámiid
váldokultuvrras ja deattuha sámiid erenomášvuođa. Sápmelaš juoiganárbevieru
álgojalgejeaddjin sáhttá atnit multidáiddár Nils-Aslak Valkeapää, guhte doalvvui luođi
lávddiid ala ja dagai dan dovddusin miehtá máilmmi. Árbevirolaš sápmelaš
musihkkaárbevieru ovddastit maiddái nuortalaččaid leu’dd ja anáraččaid livđe. (Lehtola
1997.)

Sámemusihkka ovdánišgođii 1970-logus, goas árbevirolaš sápmelaš luohti oaččui
váikkuhusaid Oarjeriikkaid musihkas. Iešguđetlágán čuojanasat ja musihkkaskearruid
ráhkadeapmi lassánii. (Lehtola 1997.) Sámemusihkka viidánii buot musihkkastiillaide etno- musihkas rock- ja rap-musihkkii. Dovdoseamos etnomusihka ovddasteaddjit leat earret eará Mari Boine, Ulla Pirttijärvi, Vilddas ja Wimme. Sámegielat country-musihka fas leaba ráhkadan ovdamearkka dihte Nils-Aslak Valkeapää ja Niillas Holmberg. Pop-musihka álgojalgejeaddjit leat Angelit ja Sofia Jannok. Rock-musihka dovdoseamos namat leat Ivnniiguin, Intrigue ja SomBy. Rap-musihka ráhkadeaba Suoma bealde ovdamearkka dihte Amoc ja Ailu Valle.

Vuoiŋŋalaš musihkka, sámegielat sálmmat leat dehálaččat. Dat leat gullan ja gullet ain
sápmelaš ruovttu árgabeaivái. Earret eará sápmelaš muitobuhcciide sámegielat sálmmain lea stuorra mearkkašupmi, dasgo máŋgasat sis leat oahppan daid juo mánnávuođa ruovttus. Sálbmagirji lea jorgaluvvon davvisámegillii ja vuoiŋŋalaš musihka lea báddejuvvon olu, earret eará Heahtá sálbmajoavku lea ráhkadan máŋggaid skearruid, Sálmmat Sámis jna.

Lassidiehtu

Yle ealli arkiiva: Leuddit ovat kolttakansan salattu muisti.
Linkki: http://yle.fi/aihe/artikkeli/2014/06/16/leuddit-ovat-kolttakansan-salattu-muisti

YouTube: Mari Boine – Elle. Liŋka: https://www.youtube.com/watch?v=nF8RvYcAwU0

YouTube: Nils-Aslak Valkeapää – Sámi Eatnan Duoddariid.
Liŋka: https://www.youtube.com/watch?v=lz0WV2z5N6w

YouTube: Johan Kitti – Eallima luohti.
Liŋka: 
https://www.youtube.com/watch?v=wrQpqZV6wtM&list=PLYBOtVld5MPvhw4S_AD
o3YtHUdawEUwAB

YouTube: Berit Margrethe Oskal – Mátkelávlla.
Liŋka: https://www.youtube.com/watch?v=N5pqvvW3WIU

Kansanmusiikki.fi, Saamelainen perinne musiikki.
Liŋka: http://www.kansanmusiikki.fi/http%3A/www.kansanmusiikki.fi/musiikin-muisti-3-
vahemmistojemme-lauluperinne/saamelaisten-musiikki

Sámi Duodji ry verkkokauppa, saamelaista musiikkia.
Liŋka: http://www.duodjishop.fi/tuotteet
Yle Areena: Joikuja Lapin maisemista 1997. Liŋka
prográmmii: http://yle.fi/aihe/artikkeli/2013/05/30/joiku-ei-tarvitse-sanoja