Oapmahašdivššáriid doarjjadoaibma

Mánnosaččat čoahkkaneaddji veardásašjoavku oapmahašdikšuide ollašuhttojuvvo ovttasbarggus Eanodaga gieldda sosiáladoaimmain ja joavku čoahkkana oktii mánus Luovatupas, Eanodaga gielddaviesus čakčamánus geassemánnui. Joavku lea rabas ja dat lea oaivvilduvvon eanodatlaš oapmahašdikšuide. Doarjjadoaimma ulbmilin lea veahkehit oapmahašdikšuid juohkebeaivválaš veadjimis ja addit dieđu oapmahašdikšuide áigeguovdilis áššiin.

Jahkásaš virkkosmahtinleaira lea oaivvilduvvon buohkaide sámeguovllu oapmahašdikšuide. Virkkosmahtinleaira ordnejuvvo vuorrojagiid Anára Tievatupas ja Eanodaga Vuontispirttis, ovttasbarggus Anára searvegottiin ja Omaiset ja Läheiset –organisašuvnna Anára ossodagain. Jahkásaš leaira lea ordnejuvvon jagi 2007 rájes, ja dat ordnejuvvo dábálaččat cuoŋo-miessemánus. Leairrain leat galledan áššedovdit, ovdamearkka dihte dán jagi doalai sáhkavuoro ruvvejeaddji, guhte rávvii mo oapmahašdikšu atná fuola alddis. Leairalaččaide lea fállojuvvon maiddái áhpásmahttindoaibma: ruvven, olgun lihkadeapmi sihke dievaslaš bajásdoallu idjadanbáikkis. Sámeguovllu oapmahašdikšuid oktasaš áhpásmahttinleairra ulbmilin lea dat, ahte oapmahašdikšu ieš beassá bottožii muossánit ja áhpásmuvvat. Oapmahašdikšut besset juohkit iežaset jurdagiid ja vásáhusaid barggusteaset oktasaš ja priváhta ságastallamiin. Oapmahašdikšu oažžu veardásašdoarjaga ja juohká iežas jurdagiid olbmuide, geat heibot seammalágan áššiiguin.

Lassedieđut oapmahašdivššariid doarjjadoaimmas Birgen ruovttus -doaimmabagadalli Leena Palojärvi, leena.palojarvi(a)samisoster.fi, tel. +358 40 742 8525