Meahcceterapija – doaibma

Meahcceterapija-doaibma lea kultursensitiivvalaš gárrenávnnasbargu mas geavahuvvo luonddu ávkin. Doaibmavuohkin leat bagadallan ja rávven, meahcceterapiija, doaibmabeaivvit, deaivvadanbáikkit ja dasa lassin materiála buvttadeapmi, váikkuhanbargu ja ođđa bargovugiid ovddideapmi. Doaimmaid ovddidit bálvalit buoriđeamen iešgudelágan gielddaid ja guovlluid ja ná Meahcceterapija-doaibma lea juohke gielddas veháš iežálágan.

Doaimma čuozáhatjoavkun leat vuosttažettiin sápmelaččat geat orrot sámeguovllus, iežá bargoagát olbmot ja sin lagasbirrasa olbmot. Doaimmas geahččalit váldit vuhtii olbmo ollislaččat: olbmo psyhkalaš, fysalaš, sosiálalaš ja kultuvrralaš erenoamášvuođa dahkkiid, mat leat gárrenávnnasváttisvuođaid duogážis ja veajuiduhttima dáfus dehálaččat.

Meahcceterapiijaleairrat veajuiduhttet sosiálalaččat ja dohko oassálastet moadde olbmo ain hávális. Meahcceterapiija čoahkkana njealji leairaáigodagas, mat čađahuvvojit aktii juohke jagiáiggis. Akta leaira bistá  3-5 jándora. Leairaáigodagaid gaskkas bargit deivet áššehaččaid ja gulahallet singuin telefuvnna ja sosiálalaš media bakte. Gulahallamat ja deaivvadeamit joatkašuvvet maid leairajagi maŋŋel ja ná áššehaš oažžu guhkesáiggi doarjaga. Leairrat leat čađahuvvon Eanodagas ja Anáris, muhto leairraide lea veajolašvuohta oassálastit maid sámeguovlluid iežá gieldda ássiit.

Doaibmabeivviide ja deaivvadanbáikkiide ožžot boahtit buohkat ja dat leat ráfálaš beaivvit goas olbmot ovttastallet, dolastallet, guolástit jna. Visot doaimmat leat luhtolaččat ja ságastallamat bissot ságastalliid gaskkas eaige mana viidáseappot. Goaikkanas-fidnu deháleamos vuolggasadjin leat oktasašvuohta, luondu, váikkuhit servosii ja árvostiit nuppi olbmuid deaivvadeattiin.

Doaibma čađahuvvo ovttasbarggus Anára, Ohcejoga ja Eanodaga gielddaid sosiála- ja dearvvašvuođadoaimmaiguin.