Anár-Ohcejoga guovllu Meahcceterapija

SámiSostera Meahcceterapiija ordne gárrenávnnasgeavaheaddjiide ja sin lagamuččaide doaimma Sámis.

Meahcceterapiijaleairrat

Meahcceterapiijaleairrat veajuiduhttet sosiálalaččat ja dohko oassálastet moadde olbmo ain hávális. Meahcceterapiija čoahkkana njealji leairaáigodagas, mat čađahuvvojit oktii juohke jagiáiggis. Leairrain eai geavat gárrenávdnasiid ja hávális leairrat bistet sullii 3 jándora. Leairrat leat Anára ja Ohcejogas gielddaid guovlluid meahccestobuin ja barttain, mat leat ráfálaš báikin.

Leairrain mii ovttas buđaldallat, čuollat muoraid, guoddit čázi, ráhkadit biepmu jna. Mii maiddái dolastallat, speallat ja vánddardit. Ságastallat gárrenávdnasiin ja smiehttat iežamet eallindili, ulbmiliid ja doaivagiid.

Leairrain lea suohtas ja ráfálaš leahket, juohkehaš oažžu leat dakkár go lea. Hállat dahje hallakeahtta, dehe hállat dan veardde go háliidat.

Leairaáigodagaid gaskkas bargit deivet áššehaččaid ja gulahallet singuin telefuvnna ja sosiálalaš media bokte. Gulahallamat ja deaivvadeamit joatkašuvvet maid leairajagi maŋŋel ja ná áššehaš oažžu guhkesáigašas doarjaga.

Gárrenávnnasgeavaheaddjiide oaivvilduvvon Meahcceterapiija-leairraid ordnet njeallje jagis.


Bagadallan ja rávven Anáris

Jos dus alddát dehe lagasbirrasa olbmuin leat váttisvuođat gárrenávdnasiid geavaheamis, de váldde roahkkadit oktavuođa. Mii smiehtat ovttas mot sáhtiit veahkehit du. Sáhtát váldit oktavuođa telefuvnna dahje šleađgapoastta bokte, dahje bidjat priváhtadieđu meahcceterapiija garrenávnnasbargi facebook-siiddu bokte: Mettäterapija SámiSoster rs.


Deaivvadanbáiki- ja doaibma Anáris

Gárrenávnnaskeahtes deaivvadanbáikkit leat oktii mánus dolastallanbáikkiin Anáris, Avvilis, Suoločielggis, Nellimis, Čeavetjávrris, Gápmasis sihke Eanodagas. Deaivvadanbáikkiid dárkkilut ja áigeguovdilis dieđut gávdno Mettäterapija SámiSoster rs -facebook profiillas.

Deaivvadanbáikái sáhttet boahtit buohkat fuolakeahttá das makkár eallindilli sis lea. Sáhtát boahtit okto dahje skihpáriin, leat olles beaivvi dehe finastit gáfestallamin. Dolastallat, borrat nisttiid ja ságastallat. Jos olbmot háliidit, de sáhttit ovttas mannat omd. guolástit ja murjet.

Rabas joavkodoaimma Anáris

Vahkkosaččat Doaibmaviesus (Anára girkosiidda boares báhppal) čoahkkana rabas Porinatupa mánnodagain dii. 15–17 sihke ođđa joavku gárrenávnnasgeavaheaddjiid lagamuččaide, PäKäLä, mánnodagain dii 17–18.


Ohcejogas doaibma lea álggahuvvon čakčat 2016, Anáris doaibma álggahuvvo jagi 2017 álggus.


Oktavuohtadieđut

Meahcceterapija garrenávnnasbargi Anár
Tero Hakovirta
tero.hakovirta(at)samisoster.fi
tel. +358 40 156 3357

finadančujuhus: Doaibmaviessu, Anára girkosiida (Pappilantie 4)

boasttačujuhus: PL 71, 99870 Inari