Eanodaga guovllu Meahcceterapija

Meahcceterapiijaleairrat

Meahcceterapiijaleairrain lea dábálaš dat ahte olbmot leat doaimmalaččat: guolástit, lávostallet, liggejit meahccestobuid jna.

Luondu lea gárrenávnnas- ja mielladearvvasvuohtabargui dakkár doaibmabiras, mas buohkat leat dásseárvosaččat: seamme ládje dorvvus ja dorvvoheapmin. Gulahallanbirasin luondu mieđiha, addá saji ja ráfáiduhttá.

Leairaáigodagaid gaskkas bargit deivet áššehaččaid ja gulahallet singuin telefuvnna ja sosiálalaš media bakte. Gulahallamat ja deaivvadeamit joatkašuvvet maid leairajagi maŋŋel ja ná áššehaš oažžu guhkesáiggi doarjaga.

SámiSoster rs:a Goaikkanas bargii ovttasbargoguoibmin Meahcceterapiijaleairrain lea Eanodaga gielda sámegielat sosiálabargi Anne-Maria Näkkäläjärvi.


Bagadallan ja rávven Eanodagas

Jos leat fuolas iežat dehe lagasbirrasa olbmo gárrenávnnasgeavaheamis, de váldde roahkkadit oktavuođa. Mii smiehtat ovttas mot sáhtiit veahkehit du. Sáhtát riŋget, čállit deakstadieđu dehe šleađgapoasta.

Meahcceterapiija garrenávnnasbargi Piia Juuso sáhttá fitnat deaivvadeamen su bargolanjas Luovatupas (Eanodaga gieldadálus).


Oktavuohtadieđut

Goaikkanas garrenávnnasbargi Eanodat
Piia Juuso
piia.juuso(a)samisoster.fi
tlf. +358 400 290 523
Finadan- ja poastačujuhus: Ounastie 165, 99400 Eanodat

Eanodaga gielda sámegielat sosiálabargi
Anne-Maria Näkkäläjärvi
anne.nakkalajarvi(a)enontekio.fi
tel. +358 40 5326 594
Eanodaga gielda