Muittohallat Eanodat

SámiSoster rs:a Muittohallat-prošeakta lea álgán 1.4.2016 Eanodagas. Prošeaktabarggu ulbmilin lea lasihit daid olbmuid oassálastima, geat orrot okto dahje geain leat muitováttut dahje muitobuozalmasvuohta. Barggus váldojuvvo vuhtii sin iežaset kultuvra, árvvut ja eallinvuohki.

Barggu áigge ovddidan ovttasbarggus boaresolbmuiguin buriid ja seammás veajuiduhtti vugiid birget árgabeaivvis. Ulbmilin lea doarjut ruovttus birgema ollislaččat, nu ahte dat ovddida sihke dearvvasvuođa, dorvvolašvuođa ja buresveadjima. Bargu doarju muitobuhcciid individuála, ovttaskas olbmo dárbbuid vuođul huksejuvvon ruovttudivššu, ja das leat čuozáhatjoavkun aktoorrut dehe muitováddot olbmot, geat leat rabasbálvalusaid olggobealde dehe gullet ruovttubálvalusa áššehaččaide.

Ulbmilin lea ordnet oanehisáigge skuvlejumi ja rávvema divššáriidda ja oapmahaččaide. Skuvlen- ja rávvenfáddát gullet muitobuozalmasvuođaide, vuoiŋŋašdearvvasvuhtii, láhttendábiid rievdamiidda ja muitobuohcci deaivvadeapmái.

Barggus váldojuvvojit vuhtii ruoktu ja oahpes biras, daningo dain lea mearkkašupmi oadjebasvuhtii. Muitobuozalmasvuođa  mielde ruoktu, lagas biras ja oahpes doaimmat mearkkašit olu. Muitobuohcci dárbbaša doarjaga doaibmannávccaid ja buori eallindási bajásdoallamii. Dán barggu bokte doarjut muitobuohcci orruma ja loaktima iežas ruovttus ja geahččalit lasihit sin oadjebasvuođadovddu lagasbirrasis. Veajuiduhttimii gullá maiddái movttiidahttit sin doaibmat návccaidis mielde vai sii besset vásihit somás árgabeivviid oahpes doaimmain ja bargguin ja ná oažžut positiivvalaš vásáhusaid.

Psyko-sosiálalaš geahččanguovllus barggu sisdoallu lea láhčit árgabeaivái albma dilálašvuođaid ja deaivvademiid, mat dorjot muitobuhcciid positiivvalaš vásáhusaid alddis árvvolaš boaresolmmožin.

Ollislaččat barggu sisdoalu sáhttá govvidit leat kultursensitiivvalaš muitobuhcciid buorredili ovddideapmi.

Muittohallat-barggu bokte mii hálidit searvin váikkuhit guottuide muitobuozalmasvuođain ja bargat muitobuhcciid buoret árgabeaivvi ja ihttáža ovdii.

Bargu lean ng. gávdni boarrásiidbargu. Vástidan mielas oktavuohtaváldimiidda.

Muittasan Bire – čoahkkánáiggit ja -báikkit

Heahtás, Asparuovttu Riekonmarja
gaskavahkkuid dii 13–14.30

Gárasavvona kapeallas, vuorrovahkuid Birgen Ruovttus-doaibman.
disdagaid dii 12–14

Oktavuohtadieđut:
Sointu Jokiniemi
sointu.jokiniemi(at)samisoster.fi
tel. +358 40 561 1900
Ounastie 165
99400 Enontekiö