Suoma evaŋgelalaš-luteralaš girkku Oulu bismagotti duopmokapihttala ja SámiSoster searvvi lágideaba seminára, man fáddán lea ”Sámebearraša árga – positiiva návccat nannejit sámi servoša”. Seminára lágiduvvo 31.10.2019 sámekulturguovddáš Sajosis, Anára girkosiiddas.
”Dáinna seminárain mii hálidat bajidit ságastallamii sápmelaččaid positiiva návccaid ja nanosvuođaid, maid veagas sámebearrašat leat doalahan nana sámeservoša sohkabuolvvas nubbái, sápmelaččaid árbevieruid ja sámegiela ja maid hárrái mii sáhttit leat čeavlái.”
Seminára temái min láidesta doseanta, emerita/gudnedoavttir Asta Mitkijá Balto. Su sáhkavuoru fáddán lea ”Fámuidahttit iežamet sápmelašvuođa. Loktet máttuideamet árvvuid ja ceavzilvuođa otnážii.” Asta Balto lea viidát dutkan ja čállán sámebearrašiid, bajásgeassima ja sámi návccaid birra.
Nubbi váldoságastalli Oulu bismagotti bisma Jukka Keskitalo fas doallá sáhkavuoru fáttás ”Girkku sámebarggu boahttevuođa hástalusat ja višuvnnat.” Sáhkavuorustis son guorahallá dan, mo girku sáhttá girkolaš bargguin doarjut sápmelaččaid, erenoamážit mánáid ja nuoraid identiteahta nanosmuvvama. Dasa lassin son vihkkehallá diakoniabarggu vejolašvuođaid sámeservoša doarjumis.
Lassin ságastallat maiddái sámenuoraid doaibmaid birra searvegottiin.
Seminára gielat leat sámegiella ja suomagiella. Almmustahttit seminára prográmma ja almmuhanrávvagiid álgočavččas.
Lassedieđuid addiba:
Erva Niittyvuopio, sámebarggu čalli, Oulu bismagoddi duopmokapihttal, tel. +358 40 769 0044
Ristenrauna Magga, doaibmajođiheaddji, SámiSoster searvi, ristenrauna.magga(a)samisoster.fi, tel. +358 400 314 154