SámiSoster rs ohcá BARGI Meahcceterapiija –prošektii Ohcejohkii. Su bargun lea ollašuhttit Meahcceterapiija-doaimma Ohcejoga viidodagas ovttasbarggus Ohcejoga gielddain ja Meahcceterapiija-prošeavtta eará bargiiguin. Bargu álgá dalán ja bistá dán vuoro 31.12.2019 rádjai. Ceavzilis dikšuma veahkeha heivvolaš skuvlejupmi ja suorggi bargovásáhus. Gáibidit buori sámekultuvrra dovdamuša ja sámegiela máhtu. Atnit árvvus oktasašbargo- ja gulahallandáidduid sihke soddjilvuođa.
Bargi doaibmabáiki lea Garegasnjárggas dehege Ohcejot`njálmmis. Bálká mearrašuvvá sosiálasuorggi servviid bargoeaktosoahpamuša mielde.
Meahcceterapiija-prošektii sáhttá dárkileappot oahpásmuvvat searvvi neahttasiidduin http://www.samisoster.fi/sme/proseavttat/meahcceterapija-proseakta
Lassidieđuid barggus addiba doaimmajođiheaddji Ristenrauna Magga, tel. 0400 314 154 ja ovddidanhoavda Anne Näkkäläjärvi, tel. 040 350 4007.
Ohcamušaid čuvvosiiguin galgá doaimmahit 25.9.2019 dmu 16.00 rádjai čujuhussii SámiSoster rs, PB 71, 99870 Anár dahje šleađgapoastta bokte čujuhussii info(a)samisoster.fi.