SámiSoster lea dan giđđa áigge sirdán doaimmaid Anára boares báhppalii. Doaibmaviesu virggálaš rahpandoalut dollojuvvojit bearjadaga miessemánu 3. beaivve dii 10–16.
Doaibmaviesus háliidit dahkat buohkaide ja buotahkásaččaide báiki, masa lea álkit boahtit. “Giliorrunlanjas” sáhtát finadit, boahtit gáfestallat ja seammás oahpásnuvvat SámiSostera doibmii. Doaibmavissui leat buresboahtán buohkat, maiddái guhkit mátki duohkinge. Doaibmaviessu lea rabas 6.5. rájes beaivválaččat mánnodagas duorastahkii, diibmu 10-15.
Doaibmaviesu rahpandoalut dollojuvvojit bearjadaga 3.5. dii 10 rájes. Mii fállat muŋka ja gáfe, ja dan lassin mii muitalit ođđa Doaibmaviesu birra sihke SámiSostera Anára bargit muitalit iežaset bargguid birra. Liegga borramuš fállojuvvo dii 11.30 rájes, dan maŋŋel lea maiddái prográmma.
SámiSostera Birgen Ruovttus -prošeavtta čoahkkananbáiki lea juo fárren Doaibmavissui. Disdagaid ja gaskavahkkuid Doaibmaviesus lea juo moadde jagi áigge čoahkkanan ahkeolbmuid joavkodoaibma, gos boradat, gáfestallat, ovttastallat ja doaibmat dan prográmma mielde man stivrejeaddji lea plánen dan beaivvi várás. Doaibmaviessu bargin lea Rauna Triumf.
Meahcceterapija – prošeavtta garrenávnnasbargi Tero Hakovirta bargolatnja lea maiddái Doaibmaviesus. Teroi sáhttá váldit oktavuođa maiddái telefovdna bokte, juos son ii leage bargolanjastis. Dábálaččat Tero lea Doaibmaviesus mánnodagaid.
SámiSostera Doaibmaviessu Anára girkosiiddas lea rabas 6.5.-20.6. mánnodagas duorastahkii dii 10–15. Doaibmaviessu lea geassebottus 24.6.-4.8.2019, dan maŋŋel rabasáiggit joatkašuvvet dego ovdalge.
Lassedieđut:
Ristenrauna Magga, doaimmajođiheaddji, ristenrauna.magga(a)samisoster.fi, puh. 0400 314154
Tero Hakovirta, garrenávnnasbargi, Meahcceterapija, tero.hakovirta(a)samisoster.fi puh. 040 156 33 57
Rauna Triumf, Doaibmaviesu bargi, Birgen Ruovttus, rauna.triumf(a)samisoster.fi puh. 040 176 4130