Rihkusgillájeaddjigohcima (RIKU) doaibman lea buvdadit doarjjabalválusaid ja váikkuhit áššiidde mat buoridit rihkkosis gillájeaddjiid, sin lagámusaid ja rihkkosáššiis vihtánin doibmii olbmuid sajadaga. Doarjjabalválussan RIKU fállá praktihkalaš rávvagiid, persovnnalaš doarjaga, riikkadási telefon- ja interneahttaveahkki ja vihttana doarjaga 29 bálvalanbáikkis birrá Suoma.
RIKU veahkkeha gillájeaddji doibmat iečas vuoigatvuođaid ollášuvvama ovdii ja doarju su ceavzit rihkkusvásáhusain.
Rihkusgillájeaddjigohcin (RIKU) lea álggahuvvon jagis 1994 ovttasbargo-soahpamusain, man bajasdollet Suomen Punainen Risti, Ensi- ja turvakotien liitto, Suomen Mielenterveysseura, Mannerheimin Lastensuojeluliitto, Suomen Setlementtiliitto ja Kirkkohallitus. Riikaviidosaččat doaimma kordinere Suomen Mielenterveysseura.
Doaimma vuođđun lea ammatlaččat stivrejuvvon eaktotáhtolaš doibma, mii dievasmahtta leahkki bálvalusáid. Doaibma garvá badjálašbálvalusaid buvdadeami. . Ulbmilin lea dárbbaslaš, olmmoslaš ja dasseveardasaš meannudeapmi rihkusgillájeaddji vuostá.
RIKU bálvalanbáikkiin barget sulli 40 sosiálasuorggi ammatolbmo juogo olles- dehege oasseáigebargin. Eaktodahtolašbargit leat badjel 300 olbmo sierra guovlluin Suomas ja sis 25 leat juristat.
Deahalaš lasseresursa lea ovttasbárgu sierra eiseváldiguin omd. politiain ja eará virgeoapmahaččaiguin geat deivet gillájeaddjiid. Jagis 2013 RIKUs ledje 38 000 aššehaškontakta.
SámiSoster rs lea bárgan ovttasbarggu RIKU:in juo jagi 2005 rajes. Dalle čállojuvvo Lappi guovlludoaimmahagain ovttasbargosoahpamus mainna vuođđujuvvo Ylä-Lappi doibmabaiki. Das lea oktavuohtaolmmošin doiabman álggu rajes Ristenrauna Magga ja dánvuoro dás doaimman mun.
Balvalanbáiki doaibman lea fállat sámeguovllu olbmuidde RIKU báikalaš áššehašbalvalusaid ja áššedovdámusa rihkusgillájeaddji sajadahkki gullevaš áššiid birra.
Dáin bálvalusain deattašuvva bersovnnalaš rávvema lassin doarjjaolbmuid evttoheapmi. RIKU skuvle doarjjaolbmuid dárbbu mielde ja sámeguovllos lea lágiduvvon guokte vuođđogursa.
Doarjjaolmmošdoaimmas, juridihkkalaš rávvemis ja vihttána doarjagis sihke doarjjaolmmošskuvlejumis gavdnojit lassedieđut www. riku.fi neahttasiidduin.
Leddjen mannanváhkkus Oulus RIKU semináras ”Nuorat rihkusagillájeaddjin”. Juohk`okta rávisolmmoš gii bargá mánaiguin ja nuoraiguin deaivá barggustis veahkaválddi vásihan olbmuid. . Semináras gieđahallojuvvui dan ášši manggabealalaččat ja fálle dieđuid nuorra rihkkusagillájeaddji dovdáheapmái, deaivamii ja doarjumii. Seminára ságajođiheaddjin lei RIKU doiammajođiheaddji Leena-Kaisa Åberg.
RIKUn neahttasiiduin nuoret.riku.fi gávnnaŧ dieđuid ee. das movt RIKU veahkeha nuora, movt lagašolmmoš doarju, movt veahkkehit ustiba ja dieđuit bargiidde deat barget nuoraiguin. Don sahttát maid destet spealuin, dieđatgo mii lea rihkus, dárbbašatgo don veahkki, mahttátgo veahkkehit ustiba, mahtátgo doibmat lagašolbmuidveahkkeváldedilalašvuođas ja mahtatho doibmat neahtas olmmošlaččat ja dorvvolaččat.
Rihkkosis gillán olbmui dárkkuhuvvon dieđihančálus ”Jos šaddat rihkkosa gillájeaddjin” lea oažžumis dál maiddái davvisámegielat jorgalussan. Dieđihančállosis muitaluvvo álkkes gielain ja čielgasit earret eará rihkusášši gieđahallama sierra muttuin, riekteveahki oažžumis, buhtadusain ja doarjjabálvalusain.
Anáris 4.11.2014
Anne