Lihkadeamis lea dehálaš mearkkašupmi olbmo dearvvasvuhtii ja buresveadjimii.
Lihkadeapmi geahpida riskka buohccát váibmo- ja varrasuotnadávddaide ja diabetesii. Lihkadeami lasihemiin lea positiiva váikkuhusat liigedeattu, badjánan varradeattu ja kolesterola sihke dávttiid hávruma eastadeamis.
Ávkkálaš rávvagat
o Ávkelihkadeapmi -> árgabeaive barggut, šilljo- ja muohtabarggut
o Lihkat beaivválaččat goittot ½ diimmu hávil omd. vácci dahje sihkkeliin
o Lihkat máŋggalágan birrasiin omd. meahcis (buorida seammás dássedeattu), murjen, guollebivdu, meahcásteapmi jed.
o Lonohala lihkadanhámiid, vai iešguđetge deahkkejoavkkut ožžot hárjehusa.
o Muitte fanahallat.
Fuom! Energiija golaheapmai váikkuha lihkadeami lossatvuohta, lihkadeapmái geavahuvvon áigi ja lihkadeaddji deaddu.
Lihkadeami sáhttá álggahit omd.
Viečča poastta kássas – Vácci
Fina ránnjá luhtte – Vácci / sihkkeliin
Fierpmástallat – Vácce gáddái ja suga fatnasa
Viečča ránnjá mielde lihkadit – Vácci