Birgen ruovttus – doaibma ordne joavkodoaimmaid ja dáhpáhusaid, mat ovddidit máŋggakultuvrralaš ja sosiálalaš gulahallama. Doaibma lágida iešguđetgelágan dáhpáhusaid ovttasbarggus eará doibmiiguin. Ovdamearkkat dáhpáhusain leat ustibabeaivi, boarrásiid vahku dáhpáhusat ja juovlariemut.
Eanodagas ahkeolbmuid joavkodoaimmat leat Heahtás, Bealdovuomis ja Gárasavvonis.
Lassedieđut: Leena Palojärvi, leena.palojarvi(a)samisoster.fi tel. +358 40 742 8525
Anáris ahkeolbmuid joavkodoaimma čoahkkana Doaibmaviesus, Anára girkosiiddas.
Lassedieđut Rauna Triumf, rauna.triumf(a)samisoster.fi tel. +358 40 176 4130
Vuohčus ahkeolbmuid joavkodoaimma čoahkkana Moktaviesus.
Lassedieđut Inga Äärelä, inga.aarela(a)samisoster.fi tel. +358 40 356 7235
Birgen ruovttus – doaibma geahččala movttiidahttit ahkeolbmuid oassálastit iešguđetgelágan joavkodoaimmaide eaktodáhtolaš ruoktogalledanbargguin ja ahkeolbmuid iežaset fierpmádagaid bokte. Mii geahččalit nanosmahttit ahkeolbmuid gaskasaš fierpmádagaid ja movttiidahttit ja dahkat vejolažžan sin oktasaš doaimmaid.
Mii arvvosmahttit ja movttiidahttit ahkeolbmuid ja oapmahašdikšuid iežaset lagas- ja veardásašfierpmádagaid nannemin. Ahkeolbmuid árggas birgema veahkkin mii geahččalit sihkkarastit nohkka buoriid dieđuoažžuma ja nanosmahttit sin doaimmalašvuođa, sosiálalaš gulahallama ja oppalaš buresbirgejumi. Min viggamuššan lea ovddidit ovttasbarggu eará doaibmiid gaskkas fierpmádatdeaivvademiiguin.
Mii ovddidit eaktodáhtolaš ruoktogalledanbarggu, mii doarju sápmelaš ahkeolbmuid árggas birgema. Mii ovddidit maiddái ahkeolbmuid sámegielat rávvema, doaimmalašvuođa doarjuma, movttiidahttima ja sin arvvosmahttima.