SámiSoster searvi lea álggahan DigiSaame -ovddidanprošeavtta, man ulbmilin lea ain buoridit ja viiddidit searvvi sámegielat ja sámekultuvrii vuođđuduvvi bálvalusaid fidnašuvvama ja juksama digitálalaš vugiiguin. Dát bargu dahkkojuvvo mannan jagi čađahuvvon SaameDigi -prošeavtta olis gárvejuvvon bálvalanvuogádaga vuođul. DigiSaame -prošeavtta ollašuhttimis oktasašbargoguoipmin doaibmá Anára searvegoddi. Lappi EJB-guovddáš lea juolludan prošeavtta ollašuhttimii EU-ruhtadandoarjaga Nannán-Suoma dálonguovloprográmma 2023–2027 ruđain. Dál searvi ohcá prošeaktahoavdda bargobárran
PROŠEAKTABARGI
ollesáigásaš bargogaskavuhtii. Prošeaktabargi váldobargun lea dikšut prošeavtta dihtorteknihkalaš doaimmaid ovttasbarggus prošeaktahoavddain. Su bargun lea maiddái čielggadit vejolašvuođaid viiddidit digitálalaš bálvalanmálle sámeguovllu olggobeallai. Barggu ceavzilis dikšun gáibida heivvolaš skuvlejumi, návccaid fuomášit ja áddet digitálalaš bálvalusaid vejolašvuođaid ja gáibádusaid sihke vuođđomáhtu dihtorteknihkaš ja ođđaáigásaš gáiddusráđđádallanprográmmaid geavaheamis. Mii gáibidit sámekultuvrra dovdamuša ja sámegiela dáiddu. Prošeaktabargis berrejit leat buorit ovttasbargo- ja gulahallandáiddut. Sus galgá leat maiddái čehppodat deaivvadit olbmuiguin ja gearggusvuohta bargat iehčanassii. Dasa lassin sus galget leat buorit čálálaš dáiddut.
Bargu lea mearreáigásaš, dat álgá 4.11.2024 ja bistá prošeavtta ollašuhttináiggi. Barggus lea golmma (3) mánotbaji geahččalanáigi. Bálká máksojuvvo skuvlejumi ja bargovásáhusa mielde.
Lassidieđuid barggu birra addá doaimmajođiheaddji Ristenrauna Magga, tel. 0400–314 154, email: ristenrauna.magga(at)samisoster.fi
Ohcamušaid oktan čuvvosiiguin galgá doaimmahit searvvi doaimmahahkii 15.10.2024 dmu 16.00 rádjai šleađgapoastta info(at)samisoster.fi dahje poastta bokte: SámiSoster rs, PB 71, 99870 Anár.
Anáris 20.9.2024
SámiSoster rs
