SámiSoster searvi álggaha DigiSaame -ovddidanprošeavtta, man ulbmilin lea ain buoridit ja viiddidit searvvi sámegielat ja sámekultuvrii vuođđuduvvi bálvalusaid fidnašuvvama ja juksama digitálalaš vugiiguin mannan jagi čađahuvvon SaameDigi -prošeavtta olis gárvejuvvon bálvalanvuogádaga vuođul. DigiSaame -prošeavtta ollašuhttimis oktasašbargoguoipmin doaibmá Anára searvegoddi. Lappi EJB-guovddáš lea juolludan prošeavtta ollašuhttimii EU-ruhtadandoarjaga Nannán-Suoma dálonguovloprográmma 2023–2027 ruđain. Dál searvi ohcá prošeavtta čađaheami várás ollesáigásaš
PROŠEAKTAHOAVDDA
mearreáigásaš bargogaskavuhtii. Prošeaktahoavdda váldobargun lea jođihit ja koordineret prošeavtta sihke ovddidit digitálalaš bálvalusaid sisdoalu. Barggu ceavzilis dikšun gáibida heivvolaš skuvlejumi, návccaid fuomášit ja áddet digitálalaš bálvalusaid vejolašvuođaid ja gáibádusaid, vásihusa prošeaktabarggus sihke vuođđomáhtu dihtorteknihkaš ja ođđaáigásaš gáiddusráđđádallanprográmmaid geavaheamis. Mii gáibidit sámekultuvrra dovdamuša sihke sámegiela dáiddu. Mii atnit árvvus buriid ovttasbargo- ja gulahallandáidduid, čehppodaga deaivvadit olbmuiguin sihke gearggusvuođa bargat iehčanasat.Dasa lassin prošeaktahoavda dárbbaša barggustis buriid ovttasbargo-, gulahallan- ja organiserendáidduid, návccaid geahččat digitálalaš bálvalusaid daid geavaheaddjiid čalmmiiguin ja bargat iešoaivvestis.
Bargu álgá jođáneamos lági mielde ja bistá goittot 31.3.2026 rádjái. Bargogaskavuođas lea golmma (3) mánotbaji geahččalanáigi. Bálká máksojuvvo skuvlejumi ja bargovásáhusa mielde.
Lassidieđut
Doaimmajođiheaddji Ristenrauna Magga
tel. 0400–314 154
email: ristenrauna.magga(at)samisoster.fi
Ohcamušaid oktan mildosiiguin galgá doaimmahit searvvi doaimmahahkii 5.7.2024 dmu 16.00 rádjai šleađgapoastta: info(at)samisoster.fi dahje poastta bokte: SámiSoster rs, PB 71, 99870 Anár.
