Stuorámus oassái dálá áiggi dávddaide lea sivvan borramusa kvalitehta ja mearri. Mii borrat menddo dávjá duhtaduvvon buoiddi sihke borramušaid, mat sisttisdollet sáltti ja sohkkara. Min biebmodillái gullet menddo uhccán šattut ja muorjjit.
Dearvvaslaš biebmodilli geahpida riskka buohccát váibmo- ja varrasuotnadávddaide ja guvtteštiippa diabetesii.
Bohccobiergu lea biebmoárvvuid ja energiijasisdoalu olis rikkis. Dat sisttisdoallá olu proteiinnaid ja das leat eanet vitamiinnat ja minerálat go spiidne- ja gusabierggus. Omd. bohccobierggu selenadoallu lea 5-10 geardde stuorát go gusabierggus ja C-vitamiidna das lea 4-5 geardde eanet go gusabierggus.
Bohccobierggu buoide árvu lea vuollegaš, dasgo dehkiid ja deahkkesárrasiid gaskkas illá lea buoidi. Bohccobierggu gierraga buoidi muitala, ahte boazu lea buorre forpmas. Bohcco buiddiid vuodjasivračoakkádus vástida biebmobuiddiide ásahuvvon rávvaárvvuid. Máŋgaduhtatkeahtes omega 3 ja omega 6 –vuodjasivrraid gorri bohccobierggus lea buorre 1:5
1. Buđet
2. Šattus ja muorjjit
3. Biergu ja guolli
4. Mielkebuktagat
5. Buoidi
6. Láibe –ja gordnebuktagat
Beaivválaš biebmodillái válljejuvvo juoidá rieggá juohkehaš laigosis. Biebmodili máŋggabealatvuohta ollašuvvá go rieggá laigosiin válljejuvvon biebmoávdnasat lonohallojuvvojit duollet dálle.
Buorre biebmodilli lea ollislašvuohta. Dat čohkiida dábálaš, hálbbes biebmoávdnasiin. Mihkkige ovttaskas biebmoávdnasiid ii okto daga biebmodilis buori dahje fuoni. Iešguđetge biebmoávdnasat dievasmahttet nubbi nuppi. Danin gánneha válljet máŋggabealálaččat. Bora ráfálaččat ja návddaš. Árgabeaivvi válljejumit veahkehit veadjit. Ale vajálduhte beaivválaš lihkadeami.
Borran ritma
Gorut dárbbaša energiija . Danin gánneha borrat 3-4 diimmu gaskkaid.
Jeavddalaš borran doallá varrasohkardási dássidin ja bajásdoallá searalašvuođa. Go čuovvu jeavddalaš borranritma, lea álkiid geahpidit fuones gaskabihtáid, menddo stuorra biebmomeriid ja eahketborrama
Beaivválaččat lea buorre borrat:
• iđitbiebmu
• lunša
• beaivemális
• 1−3 smávva gaskabihtá
• eahketbiebmu